India Pakistan Sports Ban Continues
ESakal
आयपीएल २०२६ च्या पार्श्वभूमीवर भारत सरकारने मोठा निर्णय घेतला आहे. भारत सरकारने हे स्पष्ट केले आहे की, पाकिस्तानसोबतचे द्विपक्षीय क्रीडा संबंधांवरील बंदी कायम राहील. क्रीडा मंत्रालयाने बुधवारी याला दुजोरा दिला आहे. याव्यतिरिक्त, जर भारताने एखाद्या बहुपक्षीय स्पर्धेचे आयोजन केले, तर पाकिस्तानी खेळाडूंना भारतात प्रवास करण्याची परवानगी दिली जाईल. ज्या स्पर्धांमध्ये पाकिस्तानी संघ आणि खेळाडू सहभागी होत आहेत, त्या सर्व स्पर्धांमध्ये भारतीय संघ आणि खेळाडू सहभागी होऊ शकतील.
