Ind vs Ban Test Series: 'भरत'च भविष्य बर्बाद करण्यासाठी 'पंत' अकेला ही काफी है!

India vs Bangladesh Test Series : टीम इंडियाचा स्टार यष्टीरक्षक फलंदाज ऋषभ पंत बांगलादेशविरुद्ध खेळल्या गेलेल्या एकदिवसीय मालिकेत संघाचा भाग होता पण दुखापतीमुळे संघातून बाहेर जावे लागले. आता तो कसोटी मालिकेत पुनरागमन करण्यासाठी सज्ज आहे. दोन्ही संघांमधील दोन सामन्यांच्या कसोटी मालिकेतील पहिला सामना 14 डिसेंबरपासून खेळल्या जाणार आहे. या सामन्यात ऋषभ पंत आपल्याच संघातील एका खेळाडूसाठी व्हिलन ठरू शकतो.

पहिल्या कसोटी सामन्यासाठी यष्टीरक्षक फलंदाज म्हणून ऋषभ पंत टीम इंडियाची पहिली पसंती असणार आहे. या कसोटी मालिकेच्या संघात युवा यष्टीरक्षक केएस भरतचाही समावेश आहे, मात्र पंतच्या संघात असताना त्याला भारताकडून एकही सामना खेळण्याची संधी अद्याप मिळालेली नाही. या सामन्यातही केएस भरत बेंचवर बसलेला दिसेल.

केएस भरतला ऋषभ पंतचा बॅकअप यष्टिरक्षक म्हणून कसोटी संघात ठेवण्यात आले आहे. तो फक्त टीम इंडियाच्या संघाचा एक भाग आहे. काही काळापासून त्याचा कसोटी संघात समावेश केला जात आहे. केएस भरतने टीम इंडियासाठी एका सामन्यात विकेटकीपिंगही केले आहे. दुखापतग्रस्त रिद्धिमान साहाचा पर्याय म्हणून केएस भरतने कसोटी सामन्यात विकेटकीपिंग केले होती.

केएस भरत देशांतर्गत क्रिकेटमध्ये आंध्र प्रदेश संघाकडून खेळतो. केएस भरतने 2013 मध्ये डेब्यू सामना खेळला होता. त्याने 83 प्रथम श्रेणी सामन्यांमध्ये 4502 धावा केल्या. यादरम्यान त्याने 9 शतके आणि 25 अर्धशतके झळकावली आहेत. तर फर्स्ट क्लास मध्ये त्याने 64 सामन्यात 1950 धावा केल्या आहेत. या फॉरमॅटमध्ये त्याने 6 शतके आणि 6 अर्धशतके केली आहेत.

• बांगलादेश कसोटीसाठी टीम इंडिया

  रोहित शर्मा (कर्णधार), केएल राहुल, शुभमन गिल, चेतेश्वर पुजारा, विराट कोहली, श्रेयस अय्यर, ऋषभ पंत (यष्टीरक्षक), केएस भरत (यष्टीरक्षक), रविचंद्रन अश्विन, रवींद्र जडेजा, अक्षर पटेल, कुलदीप यादव, शार्दुल ठाकूर, उन्‍नत जाधव. , मोहम्मद सिराज, उमेश यादव.