INDvsNZ : शेवटची मॅच न खेळताही कोहलीच्या नावावर दोन रेकॉर्ड!

INDvsNZ : माऊंट मौगानुई : भारत-न्यूझीलंड यांच्यात झालेला पाचवा आणि अखेरचा टी-20 सामना भारताने जिंकत 5-0 ने मालिकाही जिंकली. यजमान किवीजना त्यांच्याच भूमीवर व्हाईटवॉश देण्याचा पराक्रम टीम इंडियाने पहिल्यांदाच केल्याने हा ऐतिहासिक विजय ठरला आहे.

- ताज्या बातम्यांसाठी डाऊनलोड करा ई-सकाळचे ऍप

भारताने विजयासाठी दिलेले 164 रन्सचे टार्गेट न्यूझीलंड गाठू शकलं नाही. अनुभवी रॉस टेलर आणि टीम सेफर्ट यांनी अर्धशतकी खेळी करत चांगली झुंज दिली. पण भारतीय गोलंदाजांनी शेवटी केलेल्या टिच्चून माऱ्यापुढे ते तग धरू शकले नाहीत. परिणामी, त्यांना पराभवास सामोरे जावे लागले. 

- #AusOpen2020 : ऑस्ट्रेलियन ओपनचा अजिंक्य 'जोकर'; नोव्हाकची आठव्यांदा जेतेपदाला गवसणी!

शेवटच्या सामन्यात कॅप्टन विराट कोहलीने विश्रांती घेतल्याने रोहित शर्माकडे नेतृत्व सोपविले गेले. पण तोही दुखापतग्रस्त झाल्याने के. एल. राहुलवर टीम इंडियाची धुरा सांभाळण्याची वेळ आली. त्याने ती जबाबदारी चोख पार पाडली. आणि टीम इंडियाने न्यूझीलंडला व्हाईट वॉश देत 5-0 असा मालिका विजय साजरा केला.

- INDvsNZ : दुबेने करून दिली ब्रॉडची आठवण; सोशल मीडियावर होतोय ट्रोल!

या विजयासह कॅप्टन विराट कोहलीच्या नावावर दोन वेगळे विक्रम नोंदविले गेले आहेत. टी-20 फॉरमॅटमध्ये दोन देशांमध्ये खेळली गेलेली मालिका सर्वाधिक दोन वेळा जिंकण्याचा विक्रम कोहलीच्या नावावर नोंदविला गेला आहे. यासह दक्षिण आफ्रिकेचा कॅप्टन फाफ डू-प्लेसिसचा विक्रम त्याने मोडला आहे.

1) विराट कोहली - 10 विजय

2) फाफ डू-प्लेसिस - 9 विजय

3) इयान मॉर्गन - 7 विजय

4) डॅरेन सामी - 6 विजय 

- सेहवागचे धोनीवर गंभीर आरोप, म्हणाला...

तसेच न्यूझीलंडमध्ये जाऊन टी-20 मालिका जिंकणारा तो पहिला कॅप्टन ठरला आहे. याआधी दोन्ही संघांदरम्यान 11 सामने खेळले गेले होते. त्यापैकी 8 सामन्यात न्यूझीलंडने बाजी मारली होती. पण टीम इंडियाने ही मालिका जिंकत आठ सामने जिंकण्यात न्यूझीलंडशी बरोबरी साधली आहे.  

5 फेब्रुवारीपासून भारत-न्यूझीलंड वन-डे सीरिजला सुरवात होणार आहे. त्यामध्ये टीम इंडिया कशी कामगिरी करते याकडे आता सर्वांचे लक्ष्य लागले आहे.