लखनौनं सामना जिंकल्यावर क्रुणालची बायको या कारणामुळं चर्चेत | Sakal
sakal

बोलून बातमी शोधा

IPL 2022 Krunal Pandya Wife Pankhuri Sharma

लखनौनं सामना जिंकल्यावर क्रुणालची बायको या कारणामुळं चर्चेत

IPL 2022 Krunal Pandya Wife Pankhuri Sharma : आयपीएलच्या पंधराव्या हंगामात दिल्ली कॅपिटल्स आणि लखनौ जाएंट्स संघात शेवटच्या षटकापर्यंत सामना रंगल्याचे पाहायला मिळाले. या सामन्यात दबावाच्या परिस्थितीत मैदानात उतरलेल्या युवा आयुष बदोनी याने दिमाखदार फटकेबाजी करत संघाला विजय मिळवून दिला. दुसऱ्या बाजूला क्रुणाल पांड्याही (Krunal Pandya) नाबाद राहिला. अखेरच्या 12 चेंडूत 19 धावांची गरज असताना क्रुणाल पांड्यानं 19 व्या षटकात एक चौकार आणि एक षटकार खेचत संघाला विजयाच्या समीप आणले. सामना जिंकल्यानंतर स्टँडमध्ये पत्नी पंखुरी शर्मा (Pankhuri Sharma)हिने त्याच्या खेळीवर आनंद साजरा केल्याचे पाहायला मिळाले. तिचा स्टँडमधला फोटो व्हायरलही होताना दिसतोय.

हेही वाचा: LSG vs DC : बदोनीने बदडले! लखनौचा दिल्लीवर निसटता विजय

आयपीएलच्या सामन्यादरम्यान खेळाडूंशिवाय त्यांच्या कुटुंबियातील सदस्य चर्चेचा विषय ठरत असतात. दिल्ली विरुद्ध लखनौ लढतीत क्रुणाल पांड्याच्या पत्नीनं लक्ष वेधलं. ती ज्या स्टँडमध्ये उभी होती त्या ठिकाणी जवळपास सर्वजण लखनौ संघाची जर्सी घालून संघाला प्रोत्साहन देताना दिसले. पण क्रुणालची पत्नी पंखुरी शर्मा एकटी वेगळ्या गेटअपमध्ये दिसली. तिने पांढऱ्या रंगाचा टी शर्ट परिधान केला होता. तिच्या या वेगळेपणाची सोशल मीडियावर चर्चा रंगताना दिसत आहे.

हेही वाचा: VIDEO : डेव्हिड वॉर्नर तर बिश्नोईची 'आवडती' शिकार

नाणेफेक गमावल्यानंतर पहिल्यांदा बॅटिंग करताना दिल्ली कॅपिटल्स संघाने 3 विकेट्सच्या मोबदल्यात 149 धावा केल्या होत्या. लोकेश राहुलच्या नेतृत्वाखालील संघाने 4 विकेट्स गमावत अखेरच्या षटकात सामना खिशात घातला. लखनौकडून क्विंटन डिकॉकने 52 चेंडूत 9 चौकार आणि 2 षटकाराच्या मदतीने 80 धावंची खेळी केली. मोक्याच्या क्षणी पांड्याने 14 चेंडूत नाबाद 19 धावा करत संघाच्या विजयात मोलाचा वाटा उचलला. तो संघाला विजय मिळवून देत नाबाद परतल्यानंतर पत्नी पंखुरिया चांगलीच खूश झाल्याचे पाहायला मिळाले.

Web Title: Ipl 2022 Krunal Pandya Wife Pankhuri Sharma Delhi Capitals Vs Lucknow Super Giants

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top