IPL 2023 Schedule : आयपीएलचा 16 वा हंगाम एक आठवडा गेला पुढे; BCCI ने का बदलली तारीख?

IPL 2023 Schedule : आयपीएलचा 16 वा हंगाम बीसीसीआयने जवळपास एक आठवडा पुढे ढकलला आहे. बीसीसीआयने आयपीएलधील फ्रेंचायजींनी IPL 2023 ची संभाव्य तारीख कळवली आहे. याबाबतच्या माहितीला दोन फ्रेंचायजींनी दुजोरा दिला आहे. या फ्रेंचायजींनी सांगितले की आयपीएल 2023 जवळपास एका आठवड्याने पुढे ढकलण्यात आले आहे. बीसीसीआयने आयपीएल फ्रेंचायजींनी दिलेल्या माहितीनुसार आयपीएलचा 16 वा हंगाम 1 एप्रिल पासून सुरू होऊ शकतो. याआधी आयपीएलचा यंदाचा हंगाम हा मार्चमध्ये सुरू होणार होता.

बीसीसीआयने आयपीएल 2023 चा हंगाम एक आठवडा पुढे ढकलण्याचे कारण हे महिला आयपीएलचा पहिला हंगाम आहे. महिला आयपीएल 3 मार्चपासून सुरू होणार आहे. पहिलाच WIPL 2023 चा हंगाम हा 23 दिवसांचा असेल. याचा अंतिम सामना हा 26 मार्चला खेळवला जाईल. त्यामुळेच आयपीएलचा 16 वा हंगाम हा 1 एप्रिलपासून सुरू करण्यात येण्याची शक्यता आहे.

महिला आयपीएल ही टी 20 महिला वर्ल्डकपच्या अंतिम सामन्यानंतर बरोबर एका आठवड्याने सुरू होणार आहे. महिला टी 20 वर्ल्डकपची फायनल ही केप टाऊन येथे 26 फ्रेब्रुवारीला होणार आहे. बीसीसीआयने महिला आयपीएलचे मीडिया राईट्स लिलावाची प्रक्रिया सुरू केली आहे. महिला आयपीएल ही शहरांच्या नावावर नाही तर विभागवार करण्याचा बीसीसीआयचा मानस आहे.

हेही वाचा : सोंगी भजनाच्या माध्यमातून शांतारामबापूंनी घडवले दत्तदर्शन...