Akash Madhwal GT vs MI : MI स्टार आकाश माधवालवर स्थानिक स्पर्धांमध्ये घातली होती बंदी; भाऊ आशिष म्हणाला...

Akash Madhwal GT vs MI : मुंबईने आयपीएलच्या 16 व्या हंगामात एलिमिनेटर सामन्यात लखनौ सुपर जायंट्सचा 81 धावांनी पराभव केला. मुंबईचा युवा वेगवान गोलंदाज आकाश माधवालने तर कमाल केली. त्याने 3.3 षटकात 5 धावात 5 बळी टिपले. आयपीएलमधील हा सर्वात किफायशीर स्पेल ठरला. मुंबई इंडियन्ससाठी महत्वाच्या टप्प्यावर आकाश माधवालने दमदार कामगिरी केली आहे. त्यामुळे क्रीडा जगतात त्याची जोरदार चर्चा सुरू झाली.

दरम्यान, उत्तराखंडच्या रूरकी शहरातून येणाऱ्या आकाश माधवालची क्रिकेट ते इंजिनियर आणि पुन्हा क्रिकेट हा प्रवास खूप रंजक आहे. त्याचा भाऊ आशिष माधवालने आकाशसोबत घडलेला एक किस्सा सांगितला.

आशिषने इंडिया टूडेशी बोलताना सांगितले की, 'रोहित भाई खेळाडूंना चांगली संधी देतो. तो खेळाडूंवर विश्वास ठेवतो, त्यांना पाठिंबा देतो. नवीन खेळाडू हा कायम घाबरलेला असतो त्याला संघातील स्थान जाण्याची भिती असते. रोहित ही भितीच दूर करून टाकते. आकाश आता चांगली कामगिरी करत आहे.'

आकाशचा भाऊ आशिष पुढे म्हणाला की, 'इंजिनियरिंग झाल्यानंतर आकाश काम करत होता. मात्र लोकं त्याच्याकडे प्रत्येक दिवशी यायची आणि त्याला आज काम करू नकोस आमच्याकडून खेळ आम्ही तुला पैसे देते असे सांगायचे. त्यानंतर आकाशमध्ये बदल झाला. तो उत्तराखंडच्या संघात निवडल्यानंतर तो एक घातक गोलंदाज झाला.'

आकाश हा आधी टेनिस बॉल क्रिकेट खेळायचा. मात्र त्याला स्थानिक स्पर्धांमध्ये बंदीचा सामना करावा लागला होता. आशिष ने सांगितले की, 'कोणीही त्याला इथे खेळू देत नव्हते. त्याच्या गोलंदाजीला सर्वजण घाबरत होते. त्यामुळे त्याच्यावर स्थानिक स्पर्धांमध्ये बंदी घातली होती. सगळीकडे भितीचे वातावर होते. आकाश रूरकीच्या बाहेर जाऊनच खेळत होता.

आशिष म्हणाला की, 'हो आता त्याचे टेनिस बॉलचे दिवस गेले. आता तो खूप खूष आहे. रोहित शर्माने त्याचे 50 टक्के टेन्शन दूर केले आहे. पाहा त्यांचे बाँडिंग कसे आहेत.'

(Sports Latest News)