भारत-पाकिस्तान यांच्यातील युद्धजनक परिस्थितीमुळे आयपीएल २०२५ स्पर्धा एक आठवड्यासाठी स्थगित करण्यात आली होती. पण आता दोन्ही देशात शस्त्रसंधी झाली आहे, तसेच तणाव निवळण्याचीही शक्यता आहे.
अशात बीसीसीआय आता आयपीएल २०२५ पुन्हा सुरू करण्याचा विचार करत आहे. पण ही स्पर्धा बीसीसीआयला लवकर घ्यावी लागेल, अन्यथा जूनमध्ये आंतरराष्ट्रीय क्रिकेटचा हंगाम पुन्हा जोमाने सुरू होणार असून परदेशी खेळाडू आयपीएलमध्ये परतण्याची शक्यता कमी आहे.
