रविवारी इंडियन प्रीमियर लीग २०२५ स्पर्धेत रविवारी (२३ मार्च) चेन्नई सुपर किंग्सने मुंबई इंडियन्स विरुद्ध ४ विकेट्सने विजय मिळवला. चेन्नईने विजय मिळवला असला, तरी मुंबई इंडियन्सच्या एका खेळाडूने सर्वांचे लक्ष वेधले. हा खेळाडू म्हणजे २४ वर्षीय विग्नेश पुथुरने.
या सामन्यात मुंबईने चेन्नईसमोर १५६ धावांचे लक्ष्य ठेवले होते. चेन्नई या लक्ष्याचा पाठलाग करण्यासाठी उतरलेली असताना मुंबईचा माजी कर्णधार रोहित शर्माच्या जागेवर इम्पॅक्ट सब्स्टिट्युट म्हणून विग्नेश उतरला होता. त्याच्यासाठी हा पहिलाच आयपीएल सामना होता. पण पदार्पणातच त्याने छाप पाडली.
