इंडियन प्रीमियर लीग २०२५ स्पर्धेत चेन्नई सुपर किंग्सने रविवारी मुंबई इंडियन्सला पराभूत करत मोहिमेची दणदणीत सुरुवात केली. चेन्नई सुपर किंग्सने चेन्नईतील एमए चिदंबरम स्टेडियम (चेपॉक) या घरच्या मैदानावर खेळताना मुंबई इंडियन्सविरुद्ध ४ विकेट्सने विजय मिळवला आहे. चेन्नईसाठी नूर अहमद, खलील अहमद, रचिन रवींद्र आणि कर्णधार ऋतुराज गायकवाड विजयाचे हिरो ठरले.
या सामन्यात मुंबईने चेन्नईसमोर विजयासाठी १५६ धावांचे लक्ष्य ठेवले होते. या लक्ष्याचा पाठलाग चेन्नईने १९.१ षटकात ६ विकेट्स गमावत पूर्ण केला.
