Virat Kohli IPL 2023 : इतिहास रचला! चौकार मारत विराट कोहली थाटात बनला 7 हजारी मनसबदार

Virat Kohli IPL 2023 : रॉयल चॅलेंजर बेंगलोरचा स्टार फलंदाज विराट कोहलीने अरूण जेटली मैदानावर दिल्ली कॅपिटल्सविरूद्धच्या सामन्यात इतिहास रचला. सलामीला आलेल्या विराट कोहलीने आयपीएलमध्ये 7000 धावा पूर्ण केल्या. अशी कामगिरी करणारा तो आयपीएल इतिहासातील पहिलाच फलंदाज ठरला. 34 वर्षाच्या विराट कोहलीने अक्षर पटेलच्या गोलंदाजीवर चौकार मारत आपल्या आयपीएल 7000 धावा थाटात पूर्ण केल्या.

विराट कोहली प्रथम श्रेणी क्रिकेट हे दिल्लीकडूनच खेळतोय. त्याने आयपीएलमधील 7000 धावा या दिल्लीतच पूर्ण केल्या. 2008 मध्ये विराट कोहलीने आयपीएल पदार्पण केले होते. तेव्हापासून तो या संघाचा सदस्य आहे. निराट कोहलीने आतापर्यंत 49 अर्धशतके आणि 5 शतके ठोकली आहेत. त्याने 2016 मध्ये ऑरेंज कॅपही जिंकली होती. आयपीएलमध्ये एका हंगामात सर्वाधिक धावा (973 धावा) करण्याचा देखील कारनामा विराटनेच केला आहे.