IPL 2023 : दिल्ली कॅपिटल्सने वॉर्नरची 'हुकूमशाही', या दोन निर्णयांमुळे सर्वांनाच बसला आश्चर्याचा धक्का

IPL 2023 : दिल्ली कॅपिटल्सचा संघ कर्णधाराचा बाबतीत कायम अडचणीत येताना दिसतोय. सुरूवातीला दिल्ली कॅपिटल्सने श्रेयस अय्यरच्या गळ्यात कर्णधारपदाची माळ घातली होती. मात्र त्याला दुखापत झाली अन् ही माळ ऋषभ पंतच्या गळ्यात पडली. त्याने चांगली कामगिरी केल्यानंतर दिल्ली कॅपिटल्सने श्रेयस अय्यरकडून कॅप्टन्सी काढून घेत पंतला पूर्णवेळ कर्णधार केलं.

यानंतर नाराज झालेल्या श्रेयस अय्यरने फ्रेंचायजीच बदलली आता तो केकेआरचा कर्णधार आहे. मात्र यांदाच्या हंगामात ऋषभ पंत अपघातातील दुखापतींमुळे दिल्लीची कॅप्टन्सी करू शकत नाहीये. त्यामुळे दिल्लीने डेव्हिड वॉर्नरवर ही जबाबदारी टाकली. मात्र पहिल्या दोन सामन्यातच त्याने घेतलेल्या निर्णयांमुळे वाद निर्माण झाला आहे.

सनराईजर्स हैदराबादला विजेतेपद मिळवून देणारा डेव्हिड वॉर्नर दिल्लीसाठी देखील अशीच कामगिरी करेल अशी आशा व्यक्त केली जात होती. मात्र दिल्लीची सुरूवात खराब झाली. त्यांनी पहिले दोन्ही सामने गमावले. या दोन सामन्यात कर्णधार म्हणून वॉर्नरने काही आश्चर्यकारक निर्णय घेतले.

1 - डेव्हिड वॉर्नरने रोव्हमन पॉवेलला ठेवले संघाबाहेर : वेस्ट इंडीजचा आक्रमक फलंदाज रोव्हमन पॉवेल हा आपल्या तडाखेबाज खेळीसाठी ओळखला जातो. मात्र तो पहिल्या सामन्यात फेल गेल्यानंतर वॉर्नरने दुसऱ्या सामन्यात त्याला थेट बाहेरचाच रस्ता दाखवला.

2 - अक्षर पटेलला गोलंदाजी न देणे : ज्या खेळपट्टीवर राशिद खानने तीन विकेट्स घेतल्या त्या खेळपट्टीवर डेव्हिड वॉर्नरने अक्षर पटेलला गोलंदाजीच दिली नाही. या निर्णयावर सर्वजण टीका करत आहेत. डेव्हिड वॉर्नरने आपण खेळपट्टी आणि परिस्थिती पाहता हा निर्णय घेतल्याचे सांगितले मात्र हे उत्तर समाधानकारक वाटत नाही.

सनराईजर्स हैदराबादमध्ये देखील अशीच काहींशी परिस्थिती निर्माण झाली होती. डेव्हिड वॉर्नरने हैदराबादला आयपीएल चॅम्पियन बनवले होते. मात्र 2021 मधील हंगामात पहिल्या हाफनंतर त्याच्याकडून कर्णधारपद काढून घेतले. त्यानंतर त्याला संघातून देखील बाहेरचा रस्ता दाखवण्यात आला. यानंतर त्याने संघाच्या हॉटेलमध्येच राहणे पसंत केले.

(Sports Latest News)