Gujrat Titans चं माहीसाठी भावनिक ट्विट; 'आमच्यात दडलेलं ते लहान मुल तुला चषक...'

चेन्नई सुपर किंग्सने गुजरात टायटन्सवर 5 विकेट्सने विजय मिळवत पाचव्यांदा आयपीएल ट्रॉफीवर आपले नावं कोरलं. गतविजेत्या संघाला चेन्नईने पराभूत केले असले तरी गुजरातने चेन्नईच्या विजयाच्या आनंदातच आपला आनंद मानला आहे. सामना गमावणाऱ्या गुजरातने माहीसाठी भावनिक ट्विट केले आहे. जे सध्या तुफान व्हायरल होतं आहे.

''वल्ला थाला! आम्हाला ठाऊक होतं की या सामन्यात आम्हाला फक्त तुझ्या बुद्धीचातुर्याशीच नव्हे, तर चेन्नईच्या चाहत्यांचाही सामना करावा लागणार होता. आज आमचा हिरमोड झाला खरा, पण आमच्यात दडलेलं ते लहान मुल तुला चषक उचलताना पाहून आताही प्रचंड आनंदात आहे'', असं ट्विट गुजरातच्या संघाकडून करण्यात आलं. '' अशा आशयाचे ट्विट करत गुजरातने सर्वांचे लक्ष वेधले आहे.

ट्विटसोबत गुजरातच्या संघानं माहीचा एक फोटोही शेअर केला आहे. संघातील खेळाडूंमध्ये असणारं एक अव्यक्त नातं पाहून हेच खरं स्पोर्ट्समनशिप स्पिरीट असं म्हणत नेटकऱ्यांनीही गुजरातच्या संघाचं कौतुक केलं.

एका मुलाखतीदरम्यान, धोनी माझा लाईफ कोच आहे. माही आणि माझं नातं एकदम घट्ट आहे. माही भाई डार्लिंग सारखा आहे. मी त्याच्याबरोबर अनेक गोष्टी करू शकतो जे इतर कोणी करू शकत नाही. अशी भावना पांड्याने व्यक्त केली होती.

संघाला शेवटच्या 2 चेंडूंमध्ये 10 धावांची गरज होती. त्याचवेळी षटकाच्या पाचव्या चेंडूमध्ये रवींद्र जडेजानं षटकार ठोकला आणि शेवटच्या चेंडूवर चौकार ठोकत त्यानं मैदानात विजयोत्सव सुरु केला. जडेजानं या सामन्यात 6 चेंडूंवर 15 धावा करत तो नाबाद राहिला आणि चेन्नईच्या नावे पाचव्यांचा आयपीएलच्या विजेतेपदाची नोंद झाली.