इंडियन प्रीमियर लीग (IPL) स्पर्धेत गेल्या २ वर्षापासून नाणेफेकीनंतर प्लेइंग इलेव्हनची यादी सामनाधिकाऱ्यांकडे सोपवली जाते. कारण नाणेफेकीचा निकाल काय लागतो, त्यानुसार संघ त्यांची प्लेइंग इलेव्हन आणि इम्पॅक्ट प्लेअरसाठीचे पर्याय ठरवता येतात. मात्र, रॉयल चॅलेंजर्स बंगळुरूचा प्रभारी कर्णधार जितेश शर्माकडून यात मोठी चूक झाल्याचे दिसले.
मंगळवारी (२७ मे) लखनौ सुपर जायंट्स विरुद्ध रॉयल चॅलेंजर्स बंगळुरू संघात एकाना स्टेडियमवर सामना होत आहे. या सामन्यापूर्वी जितेश शर्मा आणि लखनौचा कर्णधार रिषभ पंत नाणेफेकीसाठी उपस्थित होते.
