IPL 2026 मध्ये 'इम्पॅक्ट खेळाडू' चा नियम राहणार की नाही? रोहित, विराट, अक्षर यांच्या विरोधानंतर BCCI अ‍ॅक्शन मोडवर; बैठकीत बरंच काही घडलं

मुंबई : आयपीएलमधील ‘इम्पॅक्ट’ खेळाडूच्या नियमाचे समर्थन करणाऱ्यांपेक्षा विरोध करणाऱ्यांची संख्या अधिक आहे. आता आयपीएलमध्ये सहभागी होत असलेल्या दहा संघांच्या कर्णधारांची बैठक मुंबईत झाली..या बैठकीत ‘इम्पॅक्ट’ खेळाडूचा नियम नकोसाच असल्याचा सूर उमटला आहे; मात्र ‘बीसीसीआय’कडून हा नियम २०२७पर्यंत कायम ठेवण्यात आल्यामुळे कर्णधारांनी नाराजी व्यक्त केली..आयपीएल सूत्रांकडून या वेळी सांगण्यात आले, की आयपीएलमधील सहभागी बहुतांशी कर्णधारांकडून ‘इम्पॅक्ट’ खेळाडूच्या नियमाबाबत नाराजी व्यक्त केली आहे; मात्र बीसीसीआयकडून हा नियम २०२७पर्यंत कायम ठेवण्यात येणार आहे. त्यामुळे कर्णधारांना सांगण्यात आले आहे, की या नियमाचे पुनरावलोकन २०२७नंतर करण्यात येईल..याआधी दिल्ली कॅपिटल्स संघाचा कर्णधार अक्षर पटेल याने ‘इम्पॅक्ट’ खेळाडूच्या नियमाबाबत नाराजी व्यक्त केली होती. त्याने पत्रकार परिषदेत याबाबत मत व्यक्त करताना म्हटले, की संघामध्ये अष्टपैलू खेळाडूला याआधी प्राधान्य देण्यात येत होते; पण आता संघ व्यवस्थापनाला अष्टपैलू खेळाडूची गरजच वाटत नाही. मी स्वत: एक अष्टपैलू खेळाडू आहे. त्यामुळे ‘इम्पॅक्ट’ खेळाडूचा नियम मला पसंत नाही..Sunrisers Hyderabad IPL controversy : सनरायझर्सच्या पाकिस्तानी खेळाडूच्या निवडीमुळे आयपीएलमध्ये संतापाची लाट.रोहित शर्मा याने २०२४मध्ये ‘इम्पॅक्ट’ खेळाडूबाबत आपले मत परखड शब्दांत व्यक्त करताना म्हटले, की मी ‘इम्पॅक्ट’ खेळाडू या नियमाचा चाहता नाही. या नियमामुळे अष्टपैलू खेळाडूच्या विकासामध्ये बाधा येत आहे. याशिवाय हार्दिक पंड्या व ग्लेन फिलिप्स या खेळाडूंकडूनही ‘इम्पॅक्ट’ खेळाडूच्या नियमाबाबत निराशा व्यक्त करण्यात आली होती..सर्व कर्णधारांनी २०२६च्या हंगामासाठी जारी केलेल्या सरावाच्या मार्गदर्शक तत्त्वांबद्दल आयपीएल अधिकाऱ्यांकडे चौकशी केली. फ्रँचायझींना दिलेल्या मार्गदर्शक तत्त्वांनुसार, सामन्याच्या दिवशी सरावाला परवानगी दिली जाणार नाही आणि जर एका संघाने आपला सराव लवकर संपवला, तर दुसऱ्या संघाला सरावासाठी खेळपट्ट्या वापरण्याची परवानगी नाही. कर्णधारांना सरावाच्या मार्गदर्शक तत्त्वांबद्दल अधिक स्पष्टता हवी होती आणि ती त्यांना देण्यात आली, असेही सूत्राने सांगितले..IPL 2026 Retention: दहा फ्रँचायझी कोणत्या खेळाडूंना करणार संघातून बाहेर? कुठे अन् कधी पाहाता येणार लाईव्ह, घ्या जाणून.पहिल्या डावातही चेंडू बदलण्याची मागणी‘बीसीसीआय’कडून मागील मोसमात दुसऱ्या डावातील दहा षटकांनंतर चेंडू बदलण्यात येण्यासाठी मुभा देण्यात आली. मुंबईत पार पडलेल्या बैठकीत एका कर्णधाराने पहिल्या डावातील दहा षटके पूर्ण झाल्यानंतर चेंडू बदलण्याची मागणी केली. सूत्रांकडून याबाबत सांगण्यात आले, की पहिल्या डावातील दहा षटकांनंतर चेंडू बदलण्यात येण्याची मागणी करण्यात आली; पण या मागणीला अधिक प्रतिसाद मिळाला नाही..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories