MS Dhoni MI vs CSK : फक्त 4 धावा... सीएसकेचा थला धोनी वानखेडेवर करणार मोठा कारनामा

MS Dhoni MI vs CSK : चेन्नई सुपर किंग्जचा दिग्गज खेळाडू महेंद्रसिंह धोनी आज वानखेडेवर आपला पारंपरिक प्रतिस्पर्धी मुंबई इंडियन्सविरूद्ध खेळणार आहे. धोनी हा शेवटचा वानखेडेवर खेळण्याची शक्यता वर्तवली जात आहे. जर त्याचा हा शेवटचा हंगाम असेल तर वानखेडेवरचा हा त्याचा शेवटचा आयपीएल सामना असेल.

आजच्या सामन्यात महेंद्रसिंह धोनी एक मोठा कारनामा करण्याची देखील शक्यता आहे. मुंबई अन् चेन्नईचा सामना हा आयपीएलमधील एल क्लासिको सामना म्हणून ओळखला जातो. हा सामना धोनी खास करण्याची शक्यता आहे. तो चेन्नईकडून 5000 धावा करण्यापासून फक्त 4 धावा दूर आहे. जर धोनीला आजच्या सामन्यात फलंदाजी करण्याची संधी मिळाली अन् त्यानं 4 धावा केल्या तर तो सीएसकेकडून 5000 धावा करणारा सुरेश रैना नंतरचा दुसरा फलंदाज ठरणार आहे.

चेन्नईकडून सर्वाधिक धावा करणारे खेळाडू

• सुरेश रैना - 200 सामने, 5529 धावा

• महेंद्रसिंह धोनी - 249 सामने, 4996 धावा

• फाफ ड्युप्लेसिस - 100 सामने, 2932 धावा

• मायकल हसी - 64 सामने, 2213 धावा

• मुरली विजय - 89 सामने, 2205 धावा

चेन्नईची संभाव्य प्लेईंग 11 :

ऋतुराज गायकवाड, रचिन रविंद्र, अजिंक्य रहाणे, डॅरेल मिचेल, समीर रझवी, रविंद्र जडेजा, एमएस धोनी, शार्दुल ठाकूर, मस्तफिजूर रहमान, तुषार देशपांडे, महीश तिक्षाणा (इम्पॅक्ट प्लेअर - शिवम दुबे)