सबस्क्राईब करा
- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
- Games esakal
Ravindra Jadeja - MS Dhoni Viral Video: इंडियन प्रीमियर लीग 2024 स्पर्धेत सोमवारी (8 एप्रिल) चेन्नई सुपर किंग्स विरुद्ध कोलकाता नाईट रायडर्स संघात झाला. एमए चिदंबरम (चेपॉक) स्टेडियम झालेला सामना चेन्नई सुपर किंग्सने 7 विकेट्सने जिंकला.
दरम्यान, या सामन्यातही प्रेक्षकांना चेन्नईचा माजी कर्णधार एमएस धोनीच्या फलंदाजीची छोटी झलकही पाहायला मिळाली. पण त्याआधी रविंद्र जडेजा प्रेक्षकांची थट्टा उडवताना दिसला, त्याचा मजेशीर व्हिडिओ व्हायरल होत आहे.
झाले असे की कोलकाताने दिलेल्या 138 धावांच्या आव्हानाचा पाठलाग करताना चेन्नईला 3 धावांची गरज असताना धोनी पाचव्या क्रमांकावर फलंदाजीला उतरला. खरंतर यापूर्वी धोनी 7 व्या किंवा 8व्या क्रमांकावर फलंदाजीला उतरला आहे. मात्र, या सामन्यात तो पाचव्याच क्रमांकावर फलंदाजीला उतरला.
दरम्यान, व्हायरल होत असलेल्या व्हिडिओमध्ये दिसले की जेव्हा चेन्नईने शिवम दुबेच्या रुपात तिसरी विकेट गमावली. तेव्हा धोनी फलंदाजीला येणार होता, पण तो मैदानात येण्याआधी जडेजाने प्रेक्षकांबरोबर थोडी मस्ती केली.
तो धोनीआधी पायऱ्यांवरून खाली उतरून आली आणि मैदानात जात असल्यासारखे दाखवले, काही पावले पुढे जात तो लगेचच यु-टर्न घेत मागे वळाला आणि हसायला लागला. त्याला असे करताना पाहून चेन्नईच्या डगआऊटमध्येही हशा पिकला.
जडेजाने यु-टर्न घेतल्यानंतर धोनी पायऱ्यांवरून खाली उतरला आणि मैदानात गेला. त्यावेळी प्रेक्षाकांनी मोठ्याप्रमाणात जल्लोष केला. हा व्हिडिओ सध्या वाऱ्यासारखा व्हायरल होत आहे.
दरम्यान, सामन्याबद्दल सांगायचे झाले, तर कोलकाता नाईट रायडर्स संघाने प्रथम फलंदाजी करताना 20 षटकात 9 बाद 137 धावा केल्या होत्या. कोलकाताकडून कर्णधार श्रेयस अय्यरने सर्वाधिक 34 धावा केल्या, तर चेन्नईकडून गोलंदाजीत रविंद्र जडेजा आणि तुशार देशपांडे यांनी प्रत्येकी 3 विकेट्स घेतल्या.
त्यानंतर 138 धावांच्या आव्हानाचा पाठलाग चेन्नईने 17.1 षटकात 3 विकेट्स गमावत 141 धावा करून पूर्ण केला. चेन्नईकडून कर्णधार ऋतुराज गायकवाड 58 चेंडूत 67 धावा करून नाबाद राहिला. तसेच न्नईकडून शिवम दुबेने 28, डॅरिल मिचेलने 25 आणि रचिन रविंद्रने 15 धावांची खेळी केली, तर एमएस धोनी 1 धावेवर नाबाद राहिला.
कोलकाताकडून गोलंदाजीत वैभव अरोराने 2 विकेट्स घेतल्या, तर सुनील नारायणने 1 विकेट घेतली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
