Rohit Sharma MI vs KKR : रोहितने पोटदुखीचे कारण देत अर्जुनला घातली 'मानाची' टोपी!

Rohit Sharma Arjun Tendulkar MI vs KKR : मुंबई इंडियन्स आणि कोलकाता नाईट रायडर्स यांच्यातील सामन्यात मुंबईने नाणेफेक जिंकून प्रथम गोलंदाजी करण्याचा निर्णय घेतला. मुंबईकडून रोहित शर्माने नाणेफेक जिंकली असेल असे आपल्याला वाटत असेल. मात्र तसं झालं नाही. नाणेफेकीसाठी रोहित शर्माची वाट पाहत असताना अचानक सूर्यकुमार यादव मैदानात आला. यामुळे सर्वांनाच धक्का बसला. कारण रोहित शर्मा गेल्या सामन्यात दुखापतग्रस्त झालाय असे ऐकण्यात आले नव्हते.

अखेर नाणेफेकीवेळी रोहित शर्मा ऐवजी सूर्यकुमार यादव का आला याचा उलगडा खुद्द सूर्यानेच केला. रोहितच्या पोटात काहीतरी गडबड झाली असल्याने त्याच्या ऐवजी मी नाणेफेकीसाठी आलोय असे सूर्याने सांगितले. याचदरम्यान, रोहित शर्मा मुंबई इंडियन्सच्या टीम मिटिंगवेळी अर्जुन तेंडुलकरला पदार्पणाची मानाची कॅप घालत असल्याचा व्हिडिओ सोशल मीडियावर व्हायरल झाला. यानंतर रोहित शर्माची पोटदुखी किती गंभीर आहे हे समजले.

अर्जुन तेंडुलकरने आयपीएल पदार्पण केले. त्यासाठी रोहित शर्माने स्वतः राखीव खेळाडू म्हणून संघाबाहेर राहणे पसंत केले. याचा अर्थ रोहित शर्मा आजच्या सामन्यात फलंदाजी करू शकतो त्याला फिल्डिंगसाठी मौदानात उतरण्याची गरज नाही. रोहितच्या या निर्णयामुळे मुंबईच्या बॅटिंगची डेप्थ वाढणार आहे. तो पियुष चावलाला बदलून स्वतः फलंदाजीला येऊ शकतो. फक्त रोहितला आजच्या सामन्यात संघाचे नेतृत्व करता येणार नाही.

मुंबईने या बदलाबरोबरच टीम डेव्हिड आणि डुआन जेनसेन यांना देखील प्लेईंग 11 मध्ये स्थान मिळाले आहे. डुआन जेनसेन हा मार्को जेनसेनचा जुळा भाऊ असून तो देखील डाव्या हाताने गोलंदाजी करतो.

(Sports Latets News)

हेही वाचा : What is Moksha: ‘अण्णा तुमच्या गुरूला मिळाला का मोक्ष?’