Ruturaj Gaikwad CSK vs PBKS : मी 10 टॉस हरलोय मात्र... पुन्हा नाणेफेक गमावल्यानंतर ऋतुराजचं मोठं वक्तव्य

Ruturaj Gaikwad Losing Toss IPL 2024 : आयपीएलच्या 17 व्या हंगामात ऋतुराज चेन्नई सुपर किंग्जचा कर्णधार झाल्यापासून सातत्याने नाणेफेक हरतोय. याचा फटका चेन्नईला पाईंट टेबलमध्ये होताना दिसतोय. आजही पंजाब किंग्जविरूद्धच्या सामन्यात ऋतुराज गायकवाडने नाणेफेक गमावली.

पंजाब किंग्जविरूद्धच्या सामन्यात सॅम करनने नाणेफेक जिंकल्यानंतर प्रथम गोलंदाजी करण्याचा निर्णय घेतला. ऋतुराजने परत एकदा नाणेफेक गमावली. त्यानंतर ऋतुराज म्हणाला, 'आम्ही आमच्या प्रोसेसनुसारच खेळणार आहे. छोट्या छोट्या गोष्टी योग्यरित्या करण्याचा प्रयत्न करणार आहोत.'

ऋतुराज पुढे म्हणाला की, 'आम्ही विरोधी संघाच्या ट्रॅक रेकॉर्डचा फारसा विचार करत नाही. आम्ही आमच्या कामगिरीकडे लक्ष देत आहोत. यंदाच्या हंगामात आम्हाला दुखापतींचा फार फटका बसला. आम्हाला आमच्या संघात नाईलाजाने बदल करावे लागले. मी नाणेफेक गमावण्याबद्दल एवढंच म्हणू शकतो की मी 10 नाणेफेकी हरल्या आहेत. मात्र 5 सामन्यात विजय मिळवला आहे. ही सकारात्मक गोष्ट आहे. आम्ही संघात एक बदल केला आहे. फिझच्या ऐवजी सँटनर संघात आला आहे.'

चेन्नई सुपर किंग्ज प्लेईंग 11 :

अजिंक्य रहाणे, ऋतुराज गायकवाड (कर्णधार), डॅरेल मिचेल, शिवम दुबे, मोईन अली, रविंद्र जडेजा, एमएस धोनी (विकेटकिपर), मिचेल सँटनर, शार्दुल ठाकूर, रिचर्ड ग्लीसन, तुषार देशपांडे.

चेन्नई सुपर किंग्ज इम्पॅक्ट सब :

समीर रिझवी, सिमरजीत सिंग, शेख राशीद, मुकेश चौधरी, प्रशांत सोलंकी

(IPL 2024 Marathi News)