IPL 2023 : तो एकच शॉट... अन् मराठमोळ्या ऋतुराजने जिंकले पाच लाख!

IPL 2023 Ruturaj Gaikwad : चेन्नई सुपर किंग्ज आणि लखनऊ सुपर किंग्ज यांच्यातील आयपीएल 2023च्या लढतीत CSK सलामीवीरांनी धमाका केला. दरम्यान चेन्नईच्या एमए चिदंबरम स्टेडियमवर उभ्या असलेल्या टाटा टियागो कारवर ऋतुराज गायकवाडने षटकार मारला. या सामन्यात लखनऊचा कर्णधार केएल राहुलने नाणेफेक जिंकून प्रथम क्षेत्ररक्षण करण्याचा निर्णय घेतला.

गायकवाडने चौथ्या षटकात फिरकी गोलंदाज अष्टपैलू कृष्णप्पा गौतमच्या शेवटच्या चेंडूवर षटकार ठोकला. तो थेट टाटा कारला लागला आणि तो तिथे डेंट झाला. अशा स्थितीत टाटा टियागो ईव्ही चेंडू मारल्यावर 5 लाख रुपये देणार आहे.

जेव्हा जेव्हा चेंडू थेट टाटा टियागो ईव्हीवर लागल, तेव्हा 5 लाख रुपये दिले जातात. या पैशांचा उपयोग कर्नाटकातील कॉफीच्या मळ्यातील जैवविविधता वाढवण्यासाठी रोपे लावून केला जाणार आहे.