Sanju Samson IPL Video : असं फक्त संजूच करू शकतो! सेल्फी घेताना चाहत्याच्या फोन वाजला अन्...

Sanju Samson IPL Video : राजस्थान रॉयल्सचा कर्णधार संजू सॅमसनचा फॅन बेस खूप मोठा आहे. संजूच्या बाबतीत जरा काही वर खाली झाले की त्याचे फॅन्स सोशल मीडियावर ट्रेंडिंगचे वादळच उठवतात. संजू देखील आपल्या चाहत्यांबद्दल आदरच ठेवत असतो. संजूने कधी आपल्या चाहत्यांशी गैरवर्तन केल्याचे ऐकण्यात येत नाही. संजू आपल्या चाहत्यांसोबत सहज मिसळतो. याचा प्रत्यक्ष अनुवभ यंदाच्या आयपीएल हंगामातील एका सामन्यादरम्यान आला.

संजू सॅमसन सामना झाल्यावर स्टेडियममधील आपल्या चाहत्यांना सेल्फी आणि ऑटोग्राफ देत होता. यावेळी एका चाहत्याने सेल्फी काढण्यासाठी संजूकडे आपला मोबाईल फोन दिला. मात्र सेल्फी काढत असतानाच चाहत्याच्या फोनवर कॉल आला. यानंतर संजूने त्या फॅनच्या विनंतीवर तो फोन उचलला आणि उत्तर दिले.

यावेळी चाहत्याने फोन केलेल्या मित्राला सांगितले की संजू सॅमसन बोलतोय. फॅनने संजूला हॅलो म्हणण्याची विनंती केली. संजूने देखील या विनंतीला माग देत त्या मित्राला हा भैया क्या हाल है! असे विचारले यानंतर उपस्थित चाहत्यांचा आनंद गगनात मावत नव्हता. हा व्हिडिओ राजस्थान रॉयल्सने आपल्या ट्विटवरून शेअर केला.

राजस्थान रॉयल्सला पाठोपाठच्या दोन सामन्यात पराभव सहन करावा लागला आहे. ते आता चेन्नई सुपर किंग्जविरूद्धचा घरच्या मैदानावर होणाऱ्या सामना जिंकून आपली गाडी पुन्हा विजयीपथावर आणण्यासाठी प्रयत्नशील असतील. मात्र त्यांचा मुकाबला हा धोनीच्या नेतृत्वातील सलग तीन सामन्यात विजय मिळवलेल्या संघाशी होणार आहे. आजचा सामना हा चेन्नईची तगडी टॉप ऑर्डर बॅटिंग लाईन अप आणि राजस्थानची जागतिक दर्जाची फिरकी यामध्ये होणार आहे.

(Sports Latest News)

हेही वाचा : Types of Vedas: वेदांचे प्रकार