WTC Final Team India: टीम इंडियात मोठा बदल! सुर्या अन् ऋतुराजची लागली लॉटरी

WTC Final Team India Squad
WTC Final Team India SquadSAKAL

WTC Final Team India Squad : भारत आणि ऑस्ट्रेलिया यांच्यातील जागतिक कसोटी चॅम्पियनशिपच्या (WTC) दुसऱ्या आवृत्तीचा अंतिम सामना लंडनमध्ये 7 जूनपासून खेळल्या जाणार आहे. या सामन्यासाठी आता टीम इंडियाच्या संघात मोठ्या बदलाची बातमी समोर आली आहे.

भारतीय संघाच्या एका वरिष्ठ खेळाडूला दुखापतीमुळे आयपीएलमधून बाहेर व्हावे लागले. तर दुसरीकडे युवा खेळाडूने लॉटरी जिंकली आहे. बीसीसीआयने सोमवारी संध्याकाळी याबाबत ट्विट करून याबाबत माहिती दिली. याशिवाय बोर्डाने तीन स्टँडबाय खेळाडूंची नावेही जाहीर केली आहेत.

WTC Final Team India Squad
WTC Team India: BCCI ची मोठी घोषणा! kl राहुलची जागा घेतला हा धाकड, या तिघांनीही मिळवली टीम इंडियात जागा

बीसीसीआयने दिलेल्या माहितीनुसार, केएल राहुलच्या जागी ईशान किशनला संघात स्थान देण्यात आले आहे. तर मुकेश कुमार, ऋतुराज गायकवाड आणि सूर्यकुमार यादव यांची स्टँडबाय म्हणून निवड करण्यात आली आहे. चेन्नई सुपर किंग्सचा सलामीवीर ऋतुराज गायकवाड उत्कृष्ट फॉर्ममध्ये धावत आहे.

खराब फॉर्ममुळे सूर्यकुमार यादव बॉर्डर बावसकर ट्रॉफीत ऑस्ट्रेलियाविरुद्ध फक्त एक कसोटी सामना खेळून बाहेर गेला होता. त्याला एकदिवसीय सामन्यातही लय सापडली नाही. आयपीएलच्या सुरुवातीच्या काही सामन्यात तो फ्लॉप ठरला मात्र त्यानंतर त्याने जोरदार पुनरागमन केले. या दोघांचीही आयपीएल मधील उत्कृष्ट कामगिरीनंतर भारतीय संघात स्टँडबाय खेळाडू म्हणून निवड झाली.

WTC Final Team India Squad
Wrestlers protest : 'I support Bajrang Dal...' आंदोलनादरम्यान बजरंग पूनियाच्या पोस्टने उडाली खळबळ!

आयपीएल 2023 मधील एका सामन्यादरम्यान लखनऊ सुपर जायंट्सचा कर्णधार केएल राहुल जखमी झाला आणि संपूर्ण स्पर्धेतून बाहेर पडला. राहुलच्या मांडीला दुखापत झाल्याची बातमी आली. यानंतर त्याने जागतिक कसोटी चॅम्पियनशिपच्या अंतिम फेरीतूनही आपले नाव मागे घेतले. त्याची अधिकृत माहिती देताना बीसीसीआयने आता त्याच्या बदलीची माहिती दिली आहे. त्याचवेळी जयदेव उनाडकटलाही दुखापत झाली असली तरी तो संघात आहे.

WTC फायनलसाठी भारतीय संघ : रोहित शर्मा, शुभमन गिल, चेतेश्वर पुजारा, विराट कोहली, अजिंक्य रहाणे, केएस भरत, रविचंद्रन अश्विन, रवींद्र जडेजा, अक्षर पटेल, शार्दुल ठाकूर, मोहम्मद शमी, मोहम्मद सिराज, उमेश यादव, जयदेव उनाडकट, इशान किशन.

स्टँडबाय खेळाडू : ऋतुराज गायकवाड, मुकेश कुमार, सूर्यकुमार यादव.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com