Asian Games 2023 Jyothi Yarraji : चीनमधील हांगझू येथे सुरू असलेल्या 19 व्या एशियन गेम्स स्पर्धेत भारताच्या ज्योती यराजीने 100 मीटर अडथळ्यांच्या शर्यतीत रौप्य पदक पटकावले. ती ज्या प्रकारे आपली सुरूवात करते तशी सुरूवात यावेळी तिला करता आली नाही. त्याचा फटका तिला बसला अन् रौप्य पदकावर समाधान मानावे लागले.
मात्र या सर्वाला पंचांचा तो कॉल देखील कारणीभूत ठरले. पंचांनी चीनची धावपटू वू यानी हिने चुकीचा सुरूवात केल्याने रेस थांबवली. ज्यातीने देखील चुकीची सुरूवात केल्याचे सांगण्यात आले. आता या सर्व प्रकरणावर ज्योतीने आपली प्रतिक्रिया दिली आहे.
एएनआय शी बोलताना ज्योती म्हणाली, 'हा खूप भयानक अनुभव होता. मी फक्त इतकंच सांगू इच्छिते की खेळात फसवेगीला कोणतेही स्थान असू नये. तिने चुकीची सुरूवात केली होती. हे आम्ही खूप ड्रामा झाल्यानंतर मान्य केले. मी अखेर रौप्य पदक जिंकले. ही माझी पहिली एशियन गेम्स स्पर्धा आहे. मी रौप्य पदक जिंकले आहे.'
अंतिम फेरीत चीनच्या वू यानी हिने प्रथम फाऊल स्टार्ट केला होता. वू हिने स्टार्ट घेतल्याचे लक्षात येताच ज्योती आणि जपानची युमी तनाका यांनीही स्टार्ट घेत धावण्यास सुरूवात केली. मात्र त्याचवेळी पंचांनी फाऊल झाल्याचे घोषित केले. त्यामुळे शर्यत थांबवण्यात आली व वू यानी आणि ज्योती या दोघींना बाद ठरवण्यात आले.
यावर ज्योतीने आक्षेप घेतला. बऱ्याच ड्रामेबाजी झाली. स्पर्धा झाल्यानंतर फाऊल तपासण्याचा निर्णय झाला. दुसऱ्यांदा शर्यत करताना ज्योतीची सुरूवात थोडी संथ झाली. मात्र तिने मधल्या वेळेत मुसंडी मारत तिसऱ्या क्रमांकाने शर्यत पूर्ण केली. तिला कांस्य पदक मिळाले होते.
मात्र चीनच्या वू यानी आणि लिन युवेई यांनी सुवर्ण आणि रौप्य पदक जिंकले होते. मात्र फाऊल स्टार्टचा तपास करण्यात आला त्यावेळी फक्त वू यानीलाच स्पर्धेतून बाद करण्यात आले. त्यामुळे ज्योतीचे कांस्य पदक रौप्य पदकात रूपांतरित झाले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.