VIDEO: हिल्टनचा हा भन्नाट कॅच पाहताना श्वास नक्कीच अडकेल

ऑस्ट्रेलियाचा संघ तब्बल 24 वर्षांनी पाकिस्तानचा दौरा करत आहे. सुरूवातीला होणाऱ्या कसोटी मालिकेसाठी कांगारूंचा कसोटी संघ पाकिस्तानात दाखल झाला आहे. मालिकेतील पहिली कसोटी देखील पार पडली आहे. एकीकडे ऑस्ट्रेलियाचा राष्ट्रीय संघ पाकिस्तन दौऱ्यावर असताना मायदेशात मार्श कप (Marsh Cup) ही स्थानिक क्रिकेट स्पर्धा पार पडली. या स्पर्धेतील अंतिम सामना शुक्रवारी वेस्टर्न ऑस्ट्रेलिया (Western Australia) आणि न्यू साऊथ वेल्स यांच्यात रंगला. शेवटच्या क्षणापर्यंत उत्कंठावर्धक झालेल्या या सामन्यात वेस्टर्न ऑस्ट्रेलियाने न्यू साऊथ वेल्सचा 18 धावांनी पराभव केला. या सामन्यातील हिल्टन कार्टराईटने (Hilton Cartwright) बाऊंडी लाईनवर घेतलाला एक जबरदस्त कॅच (Massive Catch Video) सध्या सोशल मीडियावर धुमाकूळ घातल आहे.

सामन्याच्या 44 व्या षटकात हिल्टन कार्टराईटने बाऊंडी लाईनवर घेतलेला कॅच पाहून अनेकांना असा कॅच घेणं शक्य आहे का आसा प्रश्न पडला असेल. हिल्टनच्या या कॅचनं (Hilton Massive Catch) सामन्याचे चित्रच पालटले. वेस्टर्न ऑस्ट्रेलियाने ठेवलेल्या 226 धावांचा पाठलाग करताना न्यू साऊथ वेल्स मजबूत स्थितीत होती. याचदरम्यान वेस्टर्न संघाने दोन झटपट विकेट घेत सामन्याचे चित्र पालटले. वेल्सचा मोझेस हेन्रिक्स आणि बेन द्वारशुईस दोघेही चांगली फलंदाजी करत होते. वेल्सला विजयासाठी 36 चेंडूत 22 धावांची गरज होती. मात्र हिल्डनने एक अविश्वसनीय कॅच पकडत सामन्याचे पारडे वेस्टन ऑस्ट्रेलियाकडे झुकवले.

हेन्रिक्सने 44 व्या षटकाच्या पहिल्या चेंडूवर डी आर्सी शॉर्टला एक मोठा फटका मारण्याचा प्रयत्न केला. दरम्यान, लाँग ऑनला फिल्डिंग करणाऱ्या कार्टराईटने बाऊंडरीकडे जात असलेला हा चेंडू हवेत डाईव्ह मारत पकडला. यावेळी हिल्टन कार्टराईटचे संपूर्ण शरीर हवेत होते. तो हातावरच लँड झाला. तरीदेखील त्याने हातातील चेंडू सुटू दिला नाही. हा कॅच बघताना लोकांचा श्वास अडकला असणार हे नक्की