ऑलिम्पिक सुवर्णपदक विजेत्या नीरज चोप्राचा प्रवास आता युट्यूबवर | Sakal
sakal

बोलून बातमी शोधा

Neeraj Chopra Inspiring Story On You Tube

ऑलिम्पिक सुवर्णपदक विजेत्या नीरज चोप्राचा प्रवास आता युट्यूबवर

मुंबई : भारताचा भालाफेकपटू नीरज चोप्राचा (Neeraj Chopra) हरियाणातील खांडरा गावापासून टोकियो ऑलिम्पिकमध्ये सुवर्णफेकी करण्यापर्यंतचा प्रवास युट्यूबवर (You Tube) प्रदर्शित होणार आहे. हा प्रवास युट्यूबवरील क्रिएटिंग इंडिया (Creating India) या सिरीजमध्ये दाखवण्यात येणार आहे.

हेही वाचा: "खेळण्यापेक्षा त्याचं लक्ष..."; सेहवागने केली डेव्हिड वॉर्नरची चहाडी

नीरज चोप्राच्या मते या उपक्रमाद्वारे तरूणांना अॅथलेटिक्स, खेळ आणि भालाफेक याबाबत सजगता निर्माण होईल अशी आशा आहे. या उपक्रमाअंतर्गत स्वतःचा अधिकृत युट्यूब चॅनेल (You Tube Channel) सुरू करणे आणि त्यावर खेळ आणि त्याच्या आयुष्याबद्दलचा कंटेंट शेअर करणे याबरोबरच भारताच्या पुढच्या पिढीला प्रोत्साह देण्याचीही मोहीम हातात घेतली जाणार आहे.

हेही वाचा: पत्नीच्या वाढदिवशी जसप्रीत बुमराह झाला रोमँटिक

याबाबत जेएसडब्लू स्पोर्ट्सचे सेल्स आणि मार्केटिंग प्रमुख दिव्यांशू सिंह यांनी सांगितले की, 'आम्ही या भागीदारीबाबत खूप उत्साही आहोत. युट्यूब हा नीरजसाठी एक चांगला प्लॅटफॉर्म आहे. याद्वारे तो मोठ्या जनसमुदायाला त्याची प्ररणादायी कथा सांगू शकेल. सध्या व्हिडिओ फॉरमॅटची चांगली चलती आहे. भारतातील शहरी तसेच ग्रामीण भागातील लोकांमध्ये व्हिडिओला जास्त मागणी आहे. त्यामुळे आम्ही नीरज हा खेळ आणि अॅथलेटिकला या लोकांपर्यंत पोहचवण्यासाठी योग्य व्यक्ती आहे.'

Web Title: Neeraj Chopra Inspiring Story On You Tube Through Creating India Series

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top