Hockey 5s World Cup, IND vs NED : नेदरलँड्सने जिंकला पहिला हॉकी 5s वर्ल्डकप; भारतीय महिला संघाचा केला 7 -2 ने पराभव

Hockey 5s World Cup, IND vs NED : ओमानची राजधानी मस्कत येथे झालेल्या पहिल्या महिला हॉकी 5s वर्ल्डकपमध्ये नेदरलँड्सने भारतीय महिला हॉकी संघाचा 7-2 असा पराभव केला. कसलेल्या नेदरलँड्स संघाने भारताचा प्रत्येक चाल निष्प्रभ ठरवली. नेदरलँड्स या फॉरमॅटचा पहिला विजेता ठरला. एफआयएचने पहिल्यांदाच या फॉरमॅटमध्ये वर्ल्डकपचे आयोजन केले होते.

नेदरलँड्सने पहिल्याच हाफमध्ये केला धमाका

सामन्याबद्दल बोलायचं झाल तर नेदरलँड्सने पहिल्या हाफमध्ये सामन्यावर आपली पकड निर्माण केली. तिसऱ्या मिनिटालाच नेदरलँड्सने पहिला गोल केला. त्यानंतर दोन मिनिटात ही लीड 2 - 0 अशी केली. त्यानंतर पहिला हाफ संपण्यापूर्वी सात मिनिटं आधी तिसरा गोल केला.

भारताच्या बचाव फळीवर प्रचंड दबाव आला होता. त्यांच्याकडे नेदरलँड्सच्या आक्रमण रोखण्याचा कोणताही उपाय नव्हता. भारतीय खेळाडूंनी काऊंटर अटॅक केला मात्र त्यांना गोल करण्यात अपयश आलं.

उत्तरार्धात भारतीय संघ चांगल्या स्थितीत असल्याचे दिसून आले. त्यांचा बचाव अधिक चांगला दिसत होता. भारतासाठी ज्योती छत्रीने पहिला गोल करत संघाचे खाते उघडले. त्याचा गरुड रुतुजाने अप्रतिम रिव्हर्स शॉट मारत संघासाठी दुसरा गोल केला. यानंतर उत्तरार्धाच्या शेवटच्या मिनिटाला रुतुजाने दुसरा गोल केला पण रेफ्रींनी तो गोल घोषित केला नाही. अंतिम हूटरसह नेदरलँड्सनेही भारताचे जगज्जेते होण्याचे स्वप्न भंगले.

(Sports Latest News)