IND vs NZ Rohit Sharma : इसरलंय! रोहितने टॉसदरम्यान घातला घोळ, नशीब आठवलं नाही तर...

IND vs NZ Rohit Sharma Toss
IND vs NZ Rohit Sharma Toss esakal

IND vs NZ Rohit Sharma Toss : भारत आणि न्यूझीलंड यांच्यातील दुसरा वनडे सामना रायपूर येथे खेळवला जात आहे. या स्टेडियमवरील हा पहिलाचा आंतरराष्ट्रीय सामना आहे. त्यामुळे खेळपट्टी कशी असेल याबाबत अजून अंदाज आलेला नाही. यादरम्यान, भारताचा कर्णधार रोहित शर्माने मालिका विजयासाठी महत्वाच्या असलेल्या सामन्यात नाणेफेक जिंकली. मात्र रोहित शर्मा आपण नाणेफेक जिंकून प्रथम फलंदाजी करायची की गोलंदाजी हेच विसरला होता.

IND vs NZ Rohit Sharma Toss
Women IPL: महिला IPL विजेता संघ होणार मालामाल! एका संघात पाच परदेशी खेळाडू अन्...

रायपूर येथील भारत आणि न्यूझीलंड यांच्यातील दुसऱ्या वनडे सामन्यात सामनाधिकारी जवागल श्रीनाथ यांनी नाणेफेक केली. रोहित शर्माने हेड वर कौल लावला आणि तो लागलाही. जवागल श्रीनाथने रोहितला नाणेफेक जिंकल्याचे सांगितले.

मात्र रोहितला आपण फलंदाजी करायची आहे की गोलंदाजी हेच आठवेना. त्यामुळे तो काही काळ थांबला. त्याने डोक्याला हात लावला. यावेळी न्यूझीलंडचा कर्णधार टॉम लॅथम रोहित करतोय काय असे भाव चेहऱ्यावर ठेवत त्याच्याकडे पाहत होता. दुसरीकडे श्रीनाथही अवाक झाला होता.

IND vs NZ Rohit Sharma Toss
Women Coach : 'तुझ्यासारख्या महिलेवर बलात्कार झालाच पाहिजे'; महिला प्रशिक्षकाचा क्रीडा अधिकाऱ्यावर गंभीर आरोप

अखेर रोहित शर्माला दोन मिनिटांनी आठवलं की आपल्याला गोलंदाजी करायची आहे. रोहितने गोलंदाजी करण्याचा निर्णय घेतला. दुसरीकडे पाठीमागे भारतीय संघही चेहऱ्यावर आश्चर्याचे भाव घेऊन उभे होते. रोहितने गोलंदाजीचा निर्णय घेतल्यानंतर त्यांचा जीव भांड्यात पडला.

टॉस झाल्यानंतर रवी शास्त्री यांच्यासोबत बोलताना रोहित म्हणाला की मी टॉस जिंकल्यावर काय करायचा निर्णय घेतलाय हेच विसरलो. संघासोबत याबाबत खूप चर्चा झाली होती. मात्र मी ऐनवेळी काय निर्णय घेतला आहे तेच विसरलो.'

IND vs NZ Rohit Sharma Toss
IND vs NZ 2nd ODI LIVE : रोहितने नाणेफेक जिंकली; भारताला मालिका खिशात घालण्याची संधी

भारताने नाणेफेक जिंकून प्रथम गोलंदाजी करण्याचा निर्णय घेतला आहे. भारताने पहिल्या सामन्यातील संघात कोणताही बदल केलेला नाही.

भारताची प्लेईंग 11

रोहित शर्मा, शुभमन गिल, विराट कोहली, इशान किशन, सूर्यकुमार यादव, हार्दिक पांड्या, वॉशिंग्टन सुंदर, शार्दुल ठाकूर, कुलदीप यादव, मोहम्मद शमी, मोहम्मद सिराज

(Sports Latest News)

हेही वाचा : जगायचं कसं हे सांगण्यासाठी हवं 'लिव्हिंग विल'

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com