क्रिकेट प्रशिक्षक रमाकांत आचरेकर यांच्या स्मारकाच्या अनावरण कार्यक्रमात एक भावूक प्रसंग पहायला मिळाला. आचरेकर सरांनी घडवलेले अनेक खेळाडू यानिमित्ताने एकत्र आले. मास्टर ब्लास्टर सचिन तेंडुलकर, बलविंदरसिंग सिंधू, संजय बांगर, विनोद कांबळी यांच्यासह इतर दिग्गज क्रिकेटपटू यावेळी उपस्थित होते. मुंबईतील शिवाजी पार्क परिसरातील गेट 5 नंबर जवळ स्मारकाची उभारणी करण्यात आली आहे. या स्मारकाचं उद्घाटन मनसे प्रमुख राज ठाकरेंच्या हस्ते करण्यात आलं.
