ODI World Cup 2023 : वर्ल्डकप अवघ्या काही दिवसांवर आला असतानाच झाली संघाची घोषणा! RCBच्या 'या' खेळाडूची एन्ट्री

Sri Lanka Squad For ICC World Cup 2023 Announced : एकदिवसीय वर्ल्डकप अवघ्या काही दिवसांवर आला आहे. जवळपास सर्वच संघांनी आपले संघ जाहीर केले आहेत. दरम्यान, वर्ल्डकप सुरू होण्याच्या दहा दिवस आधी श्रीलंका क्रिकेट बोर्डाने संघाची घोषणा केली आहे.

श्रीलंकेचा संघ आपल्या खेळाडूंच्या दुखापतींमुळे चिंतेत आहे. त्यामुळेच संघाची घोषणा इतक्या उशिरा झाला. अशा अनेक खेळाडूंचा संघात समावेश करण्यात आला आहे, जे पूर्णपणे तंदुरुस्त नाहीत.

दासून शनाकाला संघाचा कर्णधार बनवण्यात आले आहे, जो आधीच ही जबाबदारी सांभाळत होता. शनाकाच्या नेतृत्वाखाली श्रीलंकेचा संघ आशिया कप स्पर्धेत अंतिम फेरीत पोहोचला होता, मात्र फायनलमध्ये त्यांना टीम इंडियाकडून दारुण पराभवाला सामोरे जावे लागले होते.

यासोबतच कुसल मेंडिसकडे उपकर्णधारपदाची जबाबदारी सोपवण्यात आली आहे. रॉयल चॅलेंजर्स बंगलोरचा दिग्गज खेळाडू वानिंदू हसरंगाची संघात निवड झाली आहे.

वानिंदू हसरंगा, महिषा तिक्शिना, दिलशान मधुष्का यांना संघात घेतले आहे, मात्र ते पूर्णपणे तंदुरुस्त झाल्यावरच खेळू शकतील असेही श्रीलंकेच्या क्रिकेट बोर्डाने जाहीर केले आहे.

आयसीसी क्रिकेट वर्ल्डकप 2023 साठी श्रीलंकेचा संघ : दासुन शनाका, कुसल मेंडिस, वानिंदू हसरंगा, महेश तिक्षिना, दिलशान मदुशंका, पाथुम निसांका, कुसल झेनिथ, दिमुथ करुणारत्न, चारिथ असलंका, धनंजय, सिल्वामा राजविरा, धनंजय, राजुनाल, मथिशा पाथिराना आणि लाहिरू कुमारा.

राखीव खेळाडू : दुशान हेमंथा आणि चमिका करुणारत्ने