T20 World Cup : टीम इंडियाचा पराभव, ICC ला दणका! अंतिम सामन्याच्या तिकिटांच्या दरात घसरण

T20 World Cup : टी-20 विश्वचषकाच्या उपांत्य फेरीच्या सामन्यात भारतीय संघाला इंग्लंडविरुद्ध 10 गडी राखून पराभव स्वीकारावा लागला. अॅडलेड ओव्हलवर खेळल्या गेलेल्या या सामन्यात भारताने इंग्लंडसमोर 169 धावांचे लक्ष्य ठेवले होते, परंतु त्यांनी हे लक्ष्य 16 षटकांतच गाठले. यादरम्यान अॅलेक्स हेल्स आणि कर्णधार जोस बटलर यांनी भारतीय गोलंदाजांचा चांगला समाचार घेतला. हेल्सने 86 तर बटलरने 80 धावांची नाबाद खेळी खेळली.

अंतिम सामन्यात इंग्लंड आणि पाकिस्तान मध्ये 13 नोव्हेंबरला रविवारी होणार आहे, हा अंतिम सामना मेलबर्न क्रिकेट मैदानावर खेळल्या जाणार आहे. भारतीय संघ आता अंतिम फेरीत खेळणार नसल्याने या सामन्याच्या तिकीट दरात घट झाली आहे. पहिल्यादा अंतिम सामन्यासाठी किमान तिकीटाची किंमत $ 299 (सुमारे 24 हजार चारशे रुपये) होती, जी आता $ 225 (सुमारे 18 हजार रुपये) वर आली आहे. त्याच वेळी मुलांसाठी तिकिटाची किंमत $ 60 पर्यंत खाली आली आहे.

जर भारतीय संघाने उपांत्य फेरीचा सामना जिंकला असता तर 13 तारखेला मेलबर्नमध्ये भारत आणि पाकिस्तान यांच्यात रोमांचक लढत झाली असती. अशा स्थितीत मेलबर्न क्रिकेट मैदान सुमारे एक लाख प्रेक्षकांनी खचाखच भरले असते, पण इंग्लंड-पाकिस्तानच्या फायनलमुळे त्याची आशा काहीशी कमी दिसत आहे. आता भारत आणि पाकिस्तान यांच्यातील अंतिम सामना न झाल्याचा फटकाही आयसीसीला सहन करावा लागणार आहे. भारत-पाकिस्तान फायनल झाली असती तर जाहिरात कंपन्या, आयसीसीचे भागीदार, ब्रॉडकास्टर यांना भरपूर पैसा मिळाला असता.

मेलबर्नमध्ये पाकिस्तान आणि इंग्लंड यांच्यातील टी-20 विश्वचषकाच्या अंतिम सामन्याची तिकिटे खरेदी करण्यासाठी, क्रिकेट चाहत्यांना T20worldcup.com या ICC T20 विश्वचषकाच्या अधिकृत वेबसाइटला भेट द्यावी लागेल. त्यानंतर तिकीट श्रेणीतील BY Tickets वर क्लिक करा. एकदा आपण पृष्ठ उघडल्यानंतर, तेथे श्रेणी दिसून येईल. आता तुम्ही पाहू इच्छित सामने निवडू शकता.