Tanvi Khanna
Sakal
Tanvi Khanna Squash Interview: स्क्वॅशमध्ये गेल्या काही वर्षात भारताच्या अनेक खेळाडूंनी आंतरराष्ट्रीय स्थरावर अभिमानास्पद कामगिरी केली आहे, यातीलच एक नाव म्हणजे तन्वी खन्ना. काही दिवसांपूर्वीच तिने मुंबईत झालेल्या HCL-SRFI PSA चॅलेंजर टूर २०२६ स्पर्धेचे विजेतेपद जिंकले.
अंतिम सामन्यात इजिप्तच्या फरीदा वालिद हिच्यावर ८-११, २-११, १२-१०, ११-९, ११-७ असा विजय मिळवत विजेतेपदावर कब्जा केला होता. तिच्यासाठी हा विजय महत्त्वाचा होता, कारण सुरुवातीचे दोन गेम गमावल्यानंतर तन्वीने दमदार पुनरागमन करत हा विजय मिळवला. या विजयानंतर तन्वीने ईसकाळशी संवाद साधला. यावेळी तिच्या एकूण कारकिर्दीबद्दल तिने मोकळेपणाने भावना व्यक्त केल्या.
