Ruturaj Gaikwad : भारतीय संघ नक्कीच.. ऋतुराजच्या खेळीने डोळे उघडलेल्या हार्दिक पांड्याचे मोठं वक्तव्य

Ruturaj Gaikwad Hardik Pandya : चेन्नई सुपर किंग्जचा सलामीवीर ऋतुराज गायकवाडने गुजरात टायटन्स विरूद्धच्या सामन्यात 50 चेंडूत 92 धावा ठोकल्या. ऋतुराजने आयपीएल 2023 ची दणक्यात सुरूवात केली. विशेष म्हणजे भारतीय टी 20 संघाचा कर्णधार हार्दिक पांड्याच्या गोलंदाजीवर त्याने चौकार षटकारांची बरसात केली. ऋतुराज गायकवाडने हार्दिक पांड्याला आपली क्षमतचा दाखवून दिली.

दरम्यान, भारतीय टी 20 संघात ऋतुराजचा समावेश असतो. मात्र त्याला आपली गुणवत्ता सिद्ध करून दाखवण्याची विशेष संधी मिळालेली नाही. गुजरात टायटन्सचा सलामीवीर शुभमन गिलवर पांड्याने जास्त विश्वास दाखवला असून त्याला टी 20 मध्ये सलामीला फलंदाजी करण्याची संधी मिळत आहे.

आयपीएलच्या 16 व्या हंगामाच्या पहिल्या सामन्यात ऋतुराज गायकवाडने 92 धावांची खेळी केल्यानंतर महेंद्रसिंह धोनीने त्याच्यावर स्तुतीसुमने उधळली. धोनीला आपला मेंटॉर मानणाऱ्या हार्दिक पांड्याने देखील ऋतुराजबाबत सकारात्मक वक्तव्य केले आहे.

हार्दिक पांड्या म्हणतो की, 'जर ऋतुराज अशाच प्रकारे फलंदाजी करत राहिला तर तो भारतीय क्रिकेटमध्येच असाच धुमाकूळ घालत राहिला तर त्याला नक्की संधी मिळेल. ज्यावेळी त्याची वेळ येईल त्यावेळी भारतीय संघ नक्की त्याच्या पाठीशी उभा राहील याची मला खात्री आहे.' हार्दिकच्या वक्तव्यावरून ऋतुराजला असून त्याच्या संधीची वाट पहावी लागणार आहे असे दिसते.

(Sports Latest News)

हेही वाचा : महिलांनो तरुणपणी घेतलेली जमीन उतारवयात होईल आधार