Virat Kohli : कोणत्या ऐतिहासिक महिलेसोबत डिनर? विराटनं दिलं 'ह्रदयस्पर्शी' उत्तर

Virat Kohli Lata Mangeshkar : विराट कोहली हा भारतातच नाही तर जगभरात फॉलो केला जाणारा क्रिकेटपटू आहे. विराटच्या नावावर अनेक क्रिकेट रेकॉर्ड्स आहेत. त्याने भारतासाठी अनेक स्मरणीय खेळी केल्या आहेत. त्याची सचिन तेंडुलकरचे शतकांच्या शतकाचा विक्रम मोडण्याची मोहीम पुन्हा सुरू झाली आहे. अशा विराटला काही ऑफबीट प्रश्न विचारण्यात आले. याबाबतचा व्हिडिओ सध्या सोशल मीडियावर व्हायरल होत आहे.

विराट कोहलीला या व्हिडिओत एक वेगळाच प्रश्न विचारण्यात आला. विराटला विचारण्यात आले की जर तुला एखाद्या ऐतिहासिक महिलेसोबत डिनर करण्याची संधी मिळाली असती तर तू कोणासोबत डिनर केला असतास?

यावर उत्तर देताना विराट कोहलीने 'मला लताजींना भेटण्याची कधी संधी मिळाली नाही. त्यामुळे मला त्यांच्याशी गप्पा मारायला अवडलं असतं, त्यांच्या आयुष्याबाबत आणि त्यांच्या जीवनप्रवासाबद्दल अजून जाणून घेण्याची इच्छा होती.'

विराट कोहली न्यूझीलंडविरूद्धच्या टी 20 मालिकेत खेळत नाहीये. तो आता थेट ऑस्ट्रेलियाविरूद्धच्या कसोटी मालिकेत दिसणार आहे. दरम्यान, विराट आणि अनुष्काला उत्तराखंड येथील एका आश्रमता पाहिलं गेलं. याबाबतच फोटो सोशल मीडियावर चांगलेच व्हायरल होऊ लागले आहे. असाच एक व्हिडिओ सध्या सोशल मीडियावर व्हायरल झाला आहे.

विराट कोहलीने स्वामी दयानंद जी महाराज यांच्या समाधी स्थाळाला भेट दिली. यावेळी तो ऋषीकेश येथील स्वामी दयानंतर आश्रमात गेला होता. मात्र विराट कोहलीचा प्रसिद्धी झोत तेथेही त्याच्या मागे मागे आलाच! जगातील सर्वात प्रसिद्ध क्रिकेटपटू असलेल्या विराट कोहलीची सही आणि फोटो घेण्यासाठी आश्रमात देखील झुंबड उडाली होती.

(Sports Latest News)

हेही वाचा : भारतीय क्रिकेटची नवी आशा- पृथ्वी शॉ