Women's Junior Asia Cup Hockey : अन्नूची डबल हॅट्ट्रिक; भारताने उझबेकिस्तानविरूद्ध केले तब्बल 22 गोल

Women's Junior Asia Cup Hockey : महिला ज्यूनियर आशिया कप हॉकी स्पर्धेत भारताने उझबेकिस्तान तब्बल 22 - 0 असा पराभव केला. भारताची अन्नू तब्बल सहा गोलं करत स्टार परफॉर्मर ठरली. तिने (13, 29, 30, 38, 43, 51) व्या मिनिटाला गोल केल्या. वैष्णवी विठ्ठल फाळकेने (3, 56) दोन, मुमताझ खान (6, 44, 47, 60) ने चार, सुनेलिता टोप्पो (17, 17) ने दोन, मुंजू चौरासिया (26) ने एक, दिपीका सोरेंग (18, 25) ने दोन, दीपिकाने (32, 44, 46, 57) ने चार आणि नीलम (47) एक गोल केला.

भारताच्या वैष्णवीने तिसऱ्याच मिनिटाला पेनाल्टी कॉर्नरवर गोल करत भारताचे खाते उघडले. त्यानंतर मुमताझने भारताची आघाडी वाढवण्यास सुरूवात झाली. त्यात अन्नूनेनही योगदान देण्यास सुरूवात केली. पहिल्या क्वार्टरमध्ये भारताने 3 - 0 अशी आघाडी घेतली होती.

दुसऱ्या क्वार्टरमध्ये भारताने आपले वर्चस्व गाजवण्यास सुरूवात केली. हाफ टाईमपर्यंत सुनेलिता, मजू, दीपिका आणि अन्नू यांनी ही आघाडी 10 - 0 अशी नेली. दुसऱ्या हाफमध्ये देखील परिस्थिती तीच राहिली दिपीका अन्नूने आघाडी 13 वर नेली. त्यानंतर मुमताझ आणि दीपिकाने दोन गोल करत तिसऱ्या क्वार्टरपर्यंत 15 - 0 अशी आघाडी घेतली.

भारतीय खेळाडू उझबेकिस्तानच्या गोलपोस्टवर एका पाठोपाठ एक गोल करत होते. चौथ्या क्वार्टरमध्ये भारताने 7 गोलं केले. आता भारत आपला पुढचा सामना 5 जूनला मलेशियाविरूद्ध खेळणार आहे.

(Sports Latest News)