Youngest World Chess Champion D Gukesh vs Ding Liren : भारताच्या डी गुकेशने गुरुवारी इतिहात घडवला. जागतिक बुद्धिबळ अजिंक्यपद स्पर्धेच्या १४ व्या व अंतिम फेरीत गतविजेत्या डिंग लिरेनचा पराभव केला आणि १८ व्या वर्षी जगज्जेता होण्याचा मान पटकावला. डी गुकेश हा जगातील सर्वात युवा विश्वविजेता ठरला आहे. त्याने काल १८ वर्ष, ८ महिने, १४ दिवसांचा असताना जागतिक अजिंक्यपद स्पर्धा जिंकून गॅरी कास्परोव्ह ( १९८५ ) यांचा २२ वर्ष, ६ महिने, २७ दिवसांचा विक्रम मोडला. विश्वनाथन आनंद यांच्यानंतर ही स्पर्धा जिंकणारा गुकेश हा दुसराच भारतीय ठरला आहे. विश्वनाथन आनंद यांनी पाचवेळा हा पराक्रम करून दाखवला होता.