Antim Panghal Under-20 Wrestling World Championships : भारताच्या अवघ्या 17 वर्षाच्या अंतिम पांघलने 20 वर्षाखालील जागतिक कुस्ती अजिंक्यपद स्पर्धेत सुवर्ण पदक जिंकले. अंतिम पांघलने फक्त सुवर्ण पदक जिंकले नाही तर 20 वर्षाखालील जागतिक कुस्ती अजिंक्यपद स्पर्धेत सुवर्ण पदक जिंकणारी पहिली भारतीय महिला कुस्तूपटू देखील बनली. याचबरोबर भारताने 20 वर्षाखालील जागतिक कुस्ती अजिंक्यपद स्पर्धेत 7 पदके मिळवत सांघिक क्रमवारीत दुसरे स्थान पटकावले.
अंतिम पांघलने 53 किलो वजनी गटाच्या सुवर्ण पदकाच्या सामन्यात कझाकिस्तानच्या अल्तयन शाकायेव्हाचा 8 - 0 असा सहज पराभव केला. अंतिम पांघलने याच वर्षी आशिया ज्युनियर चॅम्पियनशिप स्पर्धेत देखील सुवर्ण पदकाची कमाई केली होती. भारताची ही महिला कुस्तीतील युवा पिढी आहे. दरम्यान, आपल्या सुवर्ण कामगिरीबरोबरच वेगळ्या धाटणीच्या नावामुळेही ही 17 वर्षाची कुस्तीपटू चर्चेत आली आहे.
अंतिम पांघलची आई कृष्णा कुमारी यांनी अंतिमच्या नावामागची गोष्ट सांगितली. कृष्णा कुमारी म्हणाल्या की, 'आम्हाला एकूण चार मुली आहेत. त्यामुळे आम्ही या शेवटच्या मुलीचे नाव अंतिम ठेवले कारण आम्हाला अजून मुली नको होत्या. ही शेवटची मुलगी म्हणून तिचे नाव अंतिम ठेवले.'
अंतिम पांघलच्या नावाची गोष्ट जरी नकारात्मक दृष्टीकोणातील असली तरी ती आपल्या दमदार कामगिरीने ही गोष्ट सकारात्मकतेमध्ये बदलत आहे. ती आता महिला कुस्ती विश्वात 20 वर्षाखालील जागतिक कुस्ती अजिंक्यपद स्पर्धेत सुवर्ण पदक जिंकणारी पहिली भारतीय महिला कुस्तूपटू देखील बनली आहे. म्हणजे अंतिम असलेली आता पहिली झाली आहे.
अंतिम पांघल सोबत अजून सहा कुस्तीपटूंनी देखील पदकाची कमाई करत भारताला सांघिक क्रमवारीत दुसऱ्या स्थानावर पोहचवले. 76 किलो वजनी गटात प्रिया मलिकने रौप्य, 62 किलो वजनी गटात सोनम मलिकने रौप्य, 65 किलो वजनी गटात प्रियांकाने रौप्य, 57 किलो वजनी गटात सितोने कांस्य, 72 किलो वजनी गटात रितिकाने कांस्य तर 50 किलो वजनी गटात प्रियांशीने देखील कांस्य पदक जिंकले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.