Cleaning Tips : बाथरूमच्या भिंतींवर फंगस जमलंय? ट्राय करा या टिप्स

Bathroom Fungus Cleaning Hacks : घर जेव्हा एकदम स्वच्छ असते, तेव्हा राहायला आणि बघायलाही चांगलं वाटतं. घराचा कोपरा न् कोपरा लोक स्वच्छ ठेवतात. कारण घाणीने घरात अनेक आजार पसरतात.

घराची आपण चांगली करतो. पण तरीही बऱ्याचदा बाथरूममध्ये फंगस जमल्याचे आपल्याला बघायला मिळते. हे बघायला आणि आरोग्यासाठी चांगले नसते. याला कसं साफ करावं जाणून घेऊ

फंगस कधी होतं

उन्हाळ्यात हवेत आद्रचा कमी असते. पण हिवाळा आणि पावसाळ्यात हवेत आद्रता जास्त असते. बाथरूममध्ये पाण्याचा वापर अधिक असल्याने भिंती, दरवाज्यावर फंगस जमा होतं आणि त्याचे काळे डाग दिसू लागतात.

व्हिनेगर शिंपडावे

जर तुमच्या बाथरूममध्ये फंगस लागले असेल तर त्या जागेवर स्प्रे बॉटलने व्हिनेगर शिंपडावे. २ ते ३ तास व्हिनेगर तसंच भिंतीवर राहू द्यावं. त्यातलं क्लिनिंग एजंट फंगस स्वतःच साफ करतात.

ब्रशने फंगस साफ करावं

जिथे फंगस लागलं आहे त्या जागेला ब्रशने घासून साफ करावं. जर ब्रश नसेल तर कॉटनच्या कापडाने साफ करावे.

बेकिंग सोड्याचा उपयोग

बाथरूमला फंगस लागल्यावर बाथरूम फार खराब दिसायला लागते. त्यामुळे या घाण फंगसला स्वच्छ करण्यासाठी बेकिंग सोड्याचा वापर करावा. ३ टी स्पून बेकिंग सोडा तर एक चमचा पाणी मिक्स करून त्याची पेस्ट तयार करावी. हे फंगस असलेल्या ठिकाणी लावावे.

बाथरूम नीट साफ करावे

फंगस काढल्यावर संपूर्ण बाथरूम नीट स्वच्छ करून घ्या. म्हणजे बाथरूममध्ये थोडेपण फंगस ऊरू नये.