Hair Wash Water : थंड की गरम; कोणत्या पाण्याने केस धुवावे?

प्रत्येकजण केसांची काळजी घेतो. केस स्वच्छ आणि निरोगी ठेवण्यासाठी आपण वाट्टेल ते प्रयत्न करतो. पण अनेकदा केस कोणत्या पाण्याने धुवावे? हा प्रश्न अनेकांना पडतो. थंड पाण्याने केस धुतले तर सर्दी आणि खोकला वाढण्याची शक्यता असते तर गरम पाण्याने केस धुतले तर केस डॅमेज होण्याची शक्यता असते. मग अशात केस धुताना गरम पाणी वापरावे की थंड पाणी वापरावे, हा प्रश्न मनात येतो. चला तर सविस्तर जाणून घेऊया.

• गरम पाण्याने अंघोळ करणे शरीराच्या आरोग्यासाठी फायदेशीर आहे. यामुळे शरीरावरील धूळ निघून जाते तर ब्लड सर्कूलेशनही उत्तम राहतं पण गरम पाण्याने केस धुवावे का?

• अनेक हेअर एक्सपर्टनुसार गरम पाण्याने केस धुणे चुकीचे आहे. गरम पाणी केसांचा शत्रु असतो.

• अनेकदा थंड पाण्याने केस धुतल्याने सर्दी होण्याची शक्यता असते त्यामुळे त्याऐवजी कोमट पाण्याचा वापर करा.

• अनेकदा आपण शरिरासाठी थंड पाणी आणि केसांसाठी गरम पाणी वापरतो, जे अत्यंत चुकीचं आहे. त्यामुळे कोमट पाणी वापरणे कधीही चांगले.

• हेअर एक्सपर्ट नुसार केस नेहमी थंड पाण्याने धुवावे. सोबतच पाण्याची क्वालिटीही उत्तम असावी.

• पाणी हार्ड असू नये. सॉफ्ट पाण्याने केस धुतले तर केसही सॉफ्ट राहू शकतात.

• मात्र थंडीच्या दिवसात कोमट पाण्याने केस धुतले तर अधिक उत्तम राहतं.