Home Tips : घरात झुरळांनी वैतागले आहात? करून बघा 'हे' सोपे उपाय

किचनमध्ये झुरळ आढळणे ही चांगली गोष्ट नाही कारण ते ड्रेनेजपासून जेवणापर्यंत सगळीकडे फिरत असतात. यामुळेत घरात आजारपण येतात. जर तुमच्या घरात झुरळं असतील तर तुम्ही सावधान व्हायला हवे. तुम्हाला चिंतीत होण्याची गरज नाही. कारण या बातमीत आम्ही तुम्हाला असे काही घरगुती उपाय सांगणार आहोत जे तुम्ही सहज करू शकतात आणि झुरळांच्या त्रासापासून मुक्ती मिळवू शकतात.

रॉकेलने घालवू शकतात झुरळं

झुरळं पळवण्यासाठी रॉकेलचा वापर उपयुक्त ठरतो. घरात जिथे झुरळं सगळ्यात जास्त दिसतात त्या जागा शोधा. तिथे रॉकेलचा स्प्रे मारा. त्या वासाने झुरळं पळून जातील. हा स्प्रे करताना त्वचा झाकलेली असावी.

कडूलिंब देते झुरळांपासून मुक्ती

कडूलिंबाचे अनेक फायदे आहेत हे तुम्हाला माहितीच असेल. त्याचा एक मोठा फायदा झुरळं घालवण्यासाठीही आहे. कडूलिंबाचा पाला पाण्यात उकळवून त्या पाण्याला झुरळांच्या जागी शिंपडावे. या उपायाने झुरळं निघून जातील.

बेकींग सोड्याचाही फार उपयोग

झुरळं घालवण्यासाठी बेकींग सोडा फार उपयुक्त आहे. त्यात साखर मिक्स करून त्याचे मिश्रण बनवा. जिथे झुरळं जास्त येतात तिथे हे मिश्रण टाकावे. साखरेने झुरळं तिथे आकर्षित होतील आणि बेकींग सोड्यासोबतचे त्याचे मिश्रण झुरळांसाठी विष ठरेल आणि झुरळं मरून जातील.