Marriage Tips : लग्नाआधीच जोडीदारासोबतच्या या गोष्टी Clear करून घ्या, नंतर म्हणू नका, सांगितलं नाही!

Relationship Tips : तुम्ही स्टेटस अनेक लोकांचे लग्नाचे फोटो, एंगेजमेंन्टचे व्हिडिओ पाहत असाल. कारण सध्या लग्नाचा सिझन सुरू आहे. लग्न लव्ह मॅरेज (Love Marriage) असेल किंवा अरेंज (Arrange) लग्नाआधीच काही गोष्टी क्लिअर झालेल्या बऱ्या असतात.

तरच ते नातं आयुष्यभर टिकतं. लग्न अरेंज पद्धतीने ठरवताना घरातल्यांची बैठक बसवली जाते. मुला मुलीची मतं विचारली जातात.

केवळ तेवढ्या बैठकीवरच लग्न ठरवणं चुकीचं आहे. लग्नाच्या (Marriage) गाठी देवाने बांधलेल्या असल्या तरी देखील एकमेकांशी संसार तुम्हालाच करायचा आहे. त्यामुळे लग्न मंडपात जाण्याआधी होणाऱ्या जोडीदाराला काही प्रश्न विचारा. जे तुमचा निर्णय आणि आयुष्य बदलवू शकतील.

लग्नाचा निर्णय आयुष्यात खूप महत्त्वाचा असतो. अशा परिस्थितीत बरेच लोक खूप विचार करूनच लग्नाला (Marriage) संमती देतात. पण तुम्हाला माहित आहे का की लग्नानंतर काही गोष्टी तुमच्या सुखी वैवाहिक जीवनात अडचणी निर्माण करू शकतात.

अशा परिस्थितीत, लग्नापूर्वी जोडीदाराकडून काही प्रश्न (Wedding Tips ) विचारून तुम्ही या समस्या टाळू शकता.

लग्नापूर्वी जोडपे एकमेकांना जाणून घेण्याचा प्रयत्न करतात. अशा परिस्थितीत, बहुतेक लोक काही महत्त्वाच्या गोष्टींकडे दुर्लक्ष करतात, ज्यामुळे तुमच्या नात्यावर संकटाचे ढग दाटून येतात.

चला तर मग आम्ही तुम्हाला काही रिलेशनशिप टिप्स बद्दल सांगतो, ज्याचे पालन करून तुम्ही तुमच्या पार्टनरसोबत चांगली समजूतदारपणा वाढवू शकता.

जोडीदाराच्या संमतीने लग्न करा कधीकधी लोक लग्नासाठी पूर्णपणे तयार नसतात. अशा वेळी कौटुंबिक दबावाखाली येऊन लोक लग्नाला संमती देतात. यामुळे लग्नानंतर तुम्हाला अडचणी येऊ शकतात, त्यामुळे लग्नाबाबत जोडीदाराचे मत जाणून घ्या आणि त्यांच्या संमतीनंतरच प्रकरण पुढे न्या.

लग्नानंतर नोकरी, करिअर करू शकता का?

लग्नानंतर लोकांना अनेकदा करिअरबाबत तडजोड करावी लागते. म्हणूनच लग्नाचा निर्णय घेण्यापूर्वी जोडीदारासोबत करिअरबद्दल बोला.

तुमच्या ध्येय आणि नोकरीशी संबंधित माहिती पार्टनरसोबत शेअर करा. दुसरीकडे, जोडीदाराचा तुमच्या कामावर आक्षेप नसेल तरच लग्नाला सहमती द्या. यामुळे लग्नानंतर तुम्हाला कोणतीही अडचण येणार नाही.

फॅमिली प्लॅनिंगबद्दल काय वाटतं?

कुटुंब नियोजन करा लग्नाच्या उत्साहात जोडपी अनेकदा कुटुंब नियोजन टाळतात. पण लग्नानंतर घरातील लोक तुमच्यावर नोकरी सोडण्यासाठी किंवा मूल होण्यासाठी दबाव टाकू शकतात. म्हणून, आपल्या जोडीदाराशी याबद्दल स्पष्ट संभाषण करा. तसेच, मुलाच्या काळजीबाबत जोडीदाराचे मत जाणून घेण्यास विसरू नका.

जुन्या नातेसंबंधांची जाणीव करून द्या?

लग्नानंतर पती-पत्नीमध्ये कोणतीही गोष्ट लपवता कामा नये. अशा स्थितीत लग्नाआधी पार्टनरला तुमच्या एक्सबद्दल नक्कीच सांगा. यामुळे तुमच्या वैवाहिक जीवनात कोणताही तणाव राहणार नाही आणि तुमच्या जोडीदाराचा तुमच्यावरील विश्वासही दृढ होईल.