पुण्यातील एका तरुणाने सेक्सटॉर्शनमुळे (sextortion)आत्महत्या केल्याची घटना समोर आली आहे अमोल गायकवाड असं या तरूणाचं नाव आहे. अमोल सेक्सटॉर्शनचा बळी पडला. पण तुम्हाला माहिती आहे का हे सेक्सटॉर्शन म्हणजे नेमकं काय? चला सविस्तर जाणून घेऊया. (what is a sextortion?)
सेक्सटॉर्शन म्हणजे काय?
सेक्सटॉर्शन म्हणजे एक प्रकारे ऑनलाइन ब्लॅकमेलींग. पण ही ब्लॅकमेलींग सेक्सशी संबंधीत असते. तुम्हाला वाटेल, ते कसं? समोरचा व्यक्ती आपल्याला कॅमेऱ्यासमोर ऑनलाइन सेक्समध्ये करण्यासाठी सांगतो. आपण जर होकार दिला तर त्याचा व्हिडीओ किंवा फोटो काढले जातात. किंवा आपण नकारही दिला तरी समोरचा हालचाली सुरू करतो आणि त्याचेही व्हिडीओ क्लीप आणि फोटो काढले जातात.
ही अश्लील फोटो किंवा व्हिडिओ तयार करुन ते आपल्याला पाठविले जातात. या माध्यमातून आपल्याला ब्लॅकमेलिंग केले जाते. यालाच सेक्सटॉर्शन म्हणतात. या ब्लॅकमेलिंगमध्ये व्हिडिओ इंटरनेटवर किंवा जवळच्या मित्रांना किंवा सोशल मीडियावर टाकण्याची धमकी दिली जाते. या धमकीद्वारे हवे तसे पैसे मागितले जातात.
सध्या असे प्रकरण दिवसेंदिवस वाढत आहे. सोशल मीडियाचा वाढता आणि चुकीचा वापरामुळे अशा गुन्ह्यांमध्येही दिवसेंदिवस वाढ होताना दिसत आहे. सेक्सटॉर्शनचे बळी न पडण्यासाठी तुम्ही काही विशेष काळजी घेणे गरजेचे आहे.
तुम्हाला जर अशा ब्लॅकमेलिंगला सामोरे जावे लागले तर सर्वप्रथम जवळच्या पोलिस स्टेशनमध्ये तक्रार नोंदवा. संपुर्ण प्रकरण पोलिसांना सांगावे. याव्यतिरिक्त पोलीस ठाण्यातील सायबर क्राईम सेलमध्येही औपचारिक तक्रार नोंदवावी. मुळात जर कोणी तुमचा असा व्हिडिओ बनवला तर तुम्ही गुन्हेगार नाही तर व्हिडिओ बनवणारा गुन्हेगार आहे, हे मुळात समजून घेणे गरजेचे आहे. त्यामुळे घाबरण्याचं कारण नाही. अशा गुन्हेगारांना (IPC) कलम २९२ नुसार अश्लील साहीत्य प्रकाशित करण्याच्या गुन्ह्याखाली २ वर्षाची शिक्षा होऊ शकते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
