'हे' दोन पदार्थ खाल्ल्यामुळं 128 वर्षीय महिलेला मिळालं 'दीर्घायुष्य'

चुकीचा आहार आणि चुकीची जीवनशैली (Lifestyle) यामुळं लहान वयातच अनेक आजारांनी लोकांना घेरलंय. यातील अनेकांना जीवघेण्या आजारांनाही सामोरं जावं लागतंय. यामुळं अनेक वेळा माणसाचा अकाली मृत्यू होतो. तथापि, काही लोक असे आहेत ज्यांना त्यांचा योग्य आहार आणि जीवनशैलीमुळं दीर्घायुष्य मिळतं. अशीच एक महिला आहे, जिनं नुकताच 11 मे रोजी आपला 128 वा वाढदिवस साजरा केलाय.

असा दावा केला जातोय की, ती सध्या जगातील सर्वात वृद्ध जिवंत व्यक्ती आहे. 11 मे 1894 रोजी दक्षिण आफ्रिकेत जन्मलेल्या जोहाना माझिबुकोचा (Johanna Mazibuko) जन्म एका मक्याच्या शेतात झाला होता आणि ती 12 भावंडांमध्ये सर्वात मोठी आहे.

जोहानानं स्थानिक मीडियाला दिलेल्या मुलाखतीत सांगितलं की, 'आमचं कुटुंब निरक्षर होतं आणि आम्ही शेतात बराच वेळ घालवायचो. मला चांगलं आठवतं, मी लहान असताना शेतात टोळांवर हल्ले करायचे. आम्ही त्या टोळांना पकडून तळून खायचो. पण, जसजसं मोठं होत गेलो, तसतसं मी दूध आणि रानपालक खायला सुरुवात केली.

जोहाना पुढं म्हणाली, 'आता मी सध्याचा पदार्थ खातो, पण मला माझ्या लहानपणीचा तो पदार्थ (दूध आणि जंगली पालक) आठवतो. माझं लग्न एका वृद्धाशी झालं होतं, ज्याचं नाव स्तवाना माझिबुको (Stawana Mazibuko) होतं. माझ्या नवऱ्याची पहिली बायको वारली होती. माझ्या पतीकडं भरपूर गायी आणि घोड्याचे तबेले होते. माझे पती आणि त्यांची पहिली पत्नी मेस्तवाना यांना 7 मुलं होती, त्यापैकी 2 आजही जिवंत आहेत. मेस्तवाना आणि माझ्या 2 मुलांव्यतिरिक्त मला जवळपास 50 नातवंडं देखील आहेत.

जोहाना म्हणाली, 'लग्नानंतर मी फार्मवर काम करायला लागलो. शेतात काम करण्याबरोबरच मी कपडे साफ करणे आणि धुण्याचं कामही केलं. माझा विश्वास आहे की, जोपर्यंत कोणाकडं पैसा नाही तोपर्यंत त्याला खूप संघर्ष करावा लागतो. मला आत्ता नीट ऐकू येत नसलं तरी मला सगळं दिसतंय. जेव्हा मी लोकांना चालताना पाहतो, तेव्हा मलाही वाटतं की मी त्यांच्यासारखं चाललं असतं, अशी खंत व्यक्त करत त्या म्हणाल्या, माझा एक केअरटेकर आहे, जो 2001 पासून माझ्यासोबत आहे. ती माझ्यासाठी इतकी खास झालीय की, ती जवळ येईपर्यंत मला झोपही येत नाही, असं त्यांनी नमूद केलं.