सबस्क्राईब करा
- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
- Games esakal
पुणे : कोल्हापूर लोकसभा मतदारसंघातील महायुतीचे उमेदवार संजय मंडलिक यांनी विरोधी महाविकास आघाडीचे उमेदवार शाहू महाराज छत्रपती यांच्यावर 'दत्तक' प्रकरणावरुन टीका केली. या टीकेनंतर मंडलिक हे राजकीय टीकेचे धनी झाले आहेत. यावर आता ज्येष्ठ नेते शरद पवार यांनी देखील प्रतिक्रिया दिली आहे. पुण्यात पत्रकार परिषदेत बोलताना शरद पवारांनी मंडलिकांच्या टीकेला उत्तर दिलं आहे. (Sanjay Mandalik criticism on Shahu Chhatrapti Sharad Pawar make comment on it)
शरद पवार म्हणाले, "संजय मंडलिक काय म्हणाले हे मला नेमकं माहिती नाही. राजघराण्यात दत्तक ही गोष्ट नवी नाही, अनेकजण अशा पद्धतीनं राजे झालेत. एकदा दत्तक घेतल्यानंतर तो त्या घराण्याच्या कुटुंबाचा प्रतिनिधी होतो. आज ज्यांच्याबद्दल अशा प्रकारची विधान केली जातात. याचा अर्थ किती खालच्या स्तरावर विरोधक जातात, त्याचं हे उत्तम उदाहरण आहे. (Latest Maharashtra News)
कोल्हापुरचे शाहू महाराज हे जनमानसात अतिशय आदर असलेले व्यक्ती आहेत. आपण जिथं बसलो आहोत तिथून थोड्या अंतरावर गेलात तर एका शैक्षणिक संस्थांची लाईन आहे. या सर्व संस्थांचं नेतृत्व शाहू महाराज करतात. त्यामुळं राजर्षी शाहू महाराजांचा आदर्श ठेवून काम करण्याची भूमिका आज शाहू महाराज या ठिकाणी करत आहेत. त्याच्याबद्दल कोल्हापुरच्याच नव्हे तर बाहेरच्या जनतेतही कृतज्ञता आहे आणि अशा व्यक्तीबद्दल अशा प्रकारे उल्लेख करायचा यातून विरोधकांची मानसिकता लक्षात येते, अशा शब्दांत शरद पवारांनी मंडलिकांच्या टीकेला उत्तर दिलं आहे. (Marathi Tajya Batmya)
संजय मंडलिकांनी काय केली होती टीका?
कोल्हापूर लोकसभा मतदारसंघातून महायुतीकडून संजय मंडलिक हे उमेदवार आहेत तर महाविकास आघाडीकडून शाहू महाराज हे उमेदवार आहेत. त्यामुळं मंडलिक यांनी प्रतिस्पर्धी म्हणून शाहू महाराजांवर टीका केली. (Latest Marathi News)
ही टीका करताना त्यांनी म्हटलं की, "आत्ता जे महाराज आहेत ते कोल्हापुरचे आहेत का? ते खरे वारसदार नाहीत ते सुद्धा दत्तकच आहेत. त्यामुळं तुम्ही, आम्ही आणि कोल्हापुरची जनता ही खरी वारसदार आहे. माझे वडील सदाशिवराव मंडलिक यांनी खऱ्या अर्थानं पुरोगामी विचार जपला. मल्लाला हातंच मारायचं नाही, अन् टांगली मरायची नाही मग कुस्ती कशी होणार" मंडलिकांच्या या विधानामुळं राजकीय टिका-टिप्पणीला सुरुवात झाली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
