पुणे : अंडरवेअरमध्ये लपवलेले ७४ लाखाचे सोने लोहगाव विमानतळावर जप्त

सकाळ वृत्तसेवा
सोमवार, 9 डिसेंबर 2019

दुबईहून आलेल्या प्रवाशाकडून 74 लाखांचे सोने जप्त

पुणे : दुबईहून आलेल्या विमानातून तस्करीच्या उद्देशाने एका प्रवाशाने आणलेले 74 लाख रुपये किमतीचे पेस्ट स्वरूपातील सोने सीमाशुल्क विभागाच्या पथकाने जप्त केले. शनिवारी पहाटे सव्वाचारच्या सुमारास ही कारवाई करण्यात आली.

ताज्या बातम्यांसाठी डाऊनलोड करा, ई-सकाळचे ऍप

पेनकर जुहेर झाहीद (रा. म्हासाला, रायगड) असे सीमाशुल्क विभागाच्या अधिकाऱ्यांनी ताब्यात घेतलेल्या प्रवाशाचे नाव आहे. झाहीद हा शनिवारी पहाटे चारच्या सुमारास दुबईहून आलेल्या स्पाइस जेट या विमानातून आला. त्या वेळी सीमाशुल्क विभागाच्या अधिकाऱ्यांकडून प्रवाशांची तपासणी केली जात होती. त्या वेळी त्याच्या जीन्स पॅंटच्या अंतर्गत खिशांमध्ये एका प्लॅस्टिकच्या पिशवीमध्ये पेस्ट स्वरूपातील सोने आढळले. तर दुसरी प्लॅस्टिकची पिशवी त्याने अंतर्वस्त्रामध्ये ठेवली होती. असे एकूण 2196 ग्रॅम वजनाचे 74 लाख 41 हजार रुपये किमतीचे सोने अधिकाऱ्यांनी त्याच्याकडून जप्त केले.

या मलाईदार खात्याच्या वाटाघाटीमुळे अडलंय महाविकासआघाडीचं खातेवाटप

सीमाशुल्क विभागाच्या सहआयुक्त वैशाली पतंगे, पुणे विभागाच्या सीमाशुल्कचे उपायुक्त मोतीलाल शेटे यांच्या मार्गदर्शनाखाली माधव पळनीटकर व प्रतिभा माडवी यांच्या पथकाने ही कारवाई केली. झाहीदविरुद्ध गुन्हा दाखल करण्यात आला आहे.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: 74 lakh gold hidden in underwear seized at pune Airport

टॅग्स
टॉपिकस