शिवसेनेच्या महेश कोठेंविषयी मला काही माहिती नाही : अजित पवार

पुणे : सोलापूरचे शिवसेनेचे नेते महेश कोठे राष्ट्रवादीत येणार ही चर्चा आहे, मात्र महेश कोठे हे अस्वस्थ आहेत, महाविकास आघाडीत कार्यक्रम ठरवत असताना इकडचे लोक तिकडे घ्यायचे नाहीत, असं ठरलेलं आहे, मात्र कोणी कोठे जावं हा ज्याचा त्याचा प्रश्न आहे, मात्र महेश कोठे यांच्याविषयी मला जास्त काही माहिती नाही',' अशी प्रतिक्रिया उपमुख्यमंत्री अजित पवार यांनी आज पुण्यात पत्रकांराशी बोलतांना दिली

मुंबईची लाईफलाईन असलेली लोकल दहा महिन्यांपासून बंद आहे. याबाबत पवार अजित पवार म्हणाले, ''लोकल कधी सुरू होईल हा केंद्र सरकारच्या रेल्वे विभागाचा प्रश्न आहे, मात्र राज्यात कोरोनाची स्थिती निंयत्रणात येत असताना सगळ्या गोष्टी विचारात घेऊन सुरळीत केल्या जातील, त्यामुळे हळूहळू सुरू करण्याचा आमचा विचार आहे.''

हेही वाचा - ट्रम्प यांच्या ट्विटरला मुसक्या; 'हिंसक टिवटिव'ची शक्यता वर्तवून अकाऊंट कायमचं बंद

भंडारा येथील घडलेल्या दुर्घटनेवरुन राज्याचे माजी ऊर्जामंत्री, भंडारा जिल्ह्याचे माजी पालकमंत्री आणि भारतीय जनता पक्षाचे प्रदेश सरचिटणीस चंद्रशेखर बावनकुळे  यांनी सरकारवर आरोप केले होते. त्यालाउत्तर देताना अजित पवार म्हणाले की, ''ऑडीट कोणाच्या काळात झालं यापेक्षा काय करता येईल हे महत्वाचं आहे. कोणी काय बोलावं हा ज्याचा त्याचा प्रश्न आहे, मी काही बोलणार नाही, मात्र मी ऑडीट करण्याचे आदेश दिले आहेत. पिडीत कुटूंबातील व्यक्तींना 5 लाख रुपयांची मदत आम्ही जाहीर करत आहोत. ड्युटीवर एक व्यक्ती असायला हवी होती, मात्र ती तिथं नव्हती, का नव्हती? याची चौकशी केली जाईल. 

ब्रिटनमधून येणाऱ्या प्रवाशांसाठी नवी नियमावली जाहीर; विमानसेवा सुरु