बंडखोरांसाठी मिटकरींचे ट्वीट; "एकादशी" तिकडे अन्... | Sakal
sakal

बोलून बातमी शोधा

Amol Mitkari said, Uddhav Thackeray will perform the Maha Puja of Panduranga

बंडखोरांसाठी मिटकरींचे ट्वीट; "एकादशी" तिकडे अन्...

मुंबई : बंडखोर आमदार एकनाथ शिंदे यांच्या याचिकेवर सोमवारी (ता. २७) सुप्रीम कोर्टात सुनावणी झाली. बंडखोर आमदारांना पाठवलेली अविश्वासाची नोटीस अवैध होती. ही नोटीस कोणत्याही अधिकृत ई-मेल वरून पाठवली नव्हती. एका त्रयस्थ व्यक्तीच्या नावाने ही नोटीस आली होती. त्यामुळे ही ग्राह्य धरण्यात आली नाही. त्यामुळे हा प्रस्ताव ११ जुलैपर्यंत फेटाळण्यात आला आहे. यावर राष्ट्रवादी काँग्रेसचे आमदार अमोल मिटकरी (Amol Mitkari) यांची प्रतिक्रिया आली आहे. (Amol Mitkari said, Uddhav Thackeray will perform the Maha Puja of Panduranga)

‘अखेर पंढरीच्या पांडुरंगाची महापूजा मुख्यमंत्री उद्धवजी ठाकरे (Uddhav Thackeray) साहेब यांच्या हस्तेच होणार हे सुप्रीम कोर्टानेही सांगितले. याचा अर्थ महाविकास आघाडीचे मुख्यमंत्री महापूजा करतील. तोवर बंडखोरांनी गुवाहाटी थांबण्यास हरकत नाही. ‘एकादशी’ तिकडे आणि द्वादशी हिकडे’ असे ट्विट अमोल मिटकरी (Amol Mitkari) यांनी सुप्रीम कोर्टाच्या निर्णयानंतर केले.

एकनाथ शिंदे (Eknath Shinde) यांच्या याचिकेवर सुनावणी झाल्यानंतर पुढील सुनावणी ११ जुलै रोजी ठेवण्यात आली आहे. शिंदे यांच्या याचिकेवर सर्वोच्च न्यायालयाने सर्व पक्षकारांना नोटीस बजावली आहे. सर्वोच्च न्यायालयाने उपसभापती अजय चौधरी, सुनील प्रभू आणि केंद्र सरकारला नोटीस बजावली आहे. तसेच नोटीसला पाच दिवसांत उत्तर देण्यास सांगितले आहे.

Web Title: Amol Mitkari Said Uddhav Thackeray Will Perform The Maha Puja Of Panduranga

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top