Anil Parab l सेना सत्तेत असली तरी, शिवसैनिक मवाळ झालेला नाही; अनिल परबांचा रवी राणांना इशारा | Sakal
sakal

बोलून बातमी शोधा

anil parab criticism on ravi rana

सेना सत्तेत असली तरी, शिवसैनिक मवाळ झालेला नाही; अनिल परब

मुंबई: मातोश्री हे शिवसैनिकांसाठी मंदीर आहे. त्याला हात लावल्यास शिवसैनिक अंगावर येणार हे नक्की. आम्ही महाराष्ट्रात धार्मिक तेढ निर्माण होऊ देणार नाही. राणा सध्या दुसऱ्यांचं स्क्रिप्ट वाचत आहेत. शिवसेना सत्तेत असली तरी शिवसैनिक मवाळ झालेला नाही असा इशारा परिवहन मंत्री अनिल परब (Anil Parab) यांनी दिला. हिंदुत्वाचा पुरस्कार करत असाल तर मुख्यमंत्री उद्धव ठाकरेंनी (Uddhav Thackeray) मातोश्रीवर हनुमान चालीसा वाचावी, असं आव्हान आमदार रवी राणा यांनी काल दिलं होत. या विधानानंतर राजकीय वातावरण चांगलंच पेटलं आहे. आज सकाळी शिवसैनिक मातोश्रीबाहेर मोठ्या संख्येने जमले होते. दरम्यान परिवहन मंत्री अनिल परब यांनी रवी राणा (Ravi Rana) यांची टीका केली आहे.

हेही वाचा: पंतप्रधानांच्या हस्ते गुजरातमध्ये 108 फुटी हनुमान मूर्तीचं अनावरण

रवी राणा यांच्यावर टीका करताना परब म्हणाले, हल्ली कोणीही उठतं आणि मातोश्रीवर येण्याचं आव्हान देतं. शिवसैनिक मजबूत आहेत. राणा कुटुंबीय अद्याप मातोश्रीला आव्हान देण्याबाबत छोटे आहेत. हिम्मत असेल तर त्यांनी मातोश्रीवर येऊन दाखवावं असा इशारा त्यांनी दिला.

हेही वाचा: जयश्री जाधवांचा मोठा विजय; कोल्हापुरात भाजपचा करेक्ट कार्यक्रम!

हनुमान जयंतीच्या दिवशी येणार राणा दांपत्य मातोश्रीवर येणार होते. आम्ही त्यांना वेळही दिली होती. मात्र सांगितलेली वेळ त्यांच्या सोयीची नसेल, तर तुम्ही तुमच्या वेळेनुसार या, आम्ही तुमचं स्वागत करू असे आव्हानही परबांनी दिले. पुढे ते म्हणाले, सेनेला आव्हान देणं हे काही राणांचं काम नाही. राणा वातावरण खराब करण्याचं काम करत आहेत. महाराष्ट्रात धार्मिक तेढ निर्माण करण्याचे काम ते करत आहेत मात्र आम्ही हे होऊ देणार नाही. मातोश्री हे शिवसैनिकांसाठी मंदीर आहे.त्याला हात लागल्यास शिवसैनिक अंगावर येणार हे नक्की. शिवसेना सत्तेत असली तरी शिवसैनिक मवाळ झालेला नाही अशा इशाराही त्यांनी दिला.

Web Title: Anil Parab Criticism On Ravi Rana Hanuman Chalisa Challenged The Uddhav Thackeray Political

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top