९५ व्या मराठी साहित्य संमेलनाच्या अध्यक्षपदी भारत सासणे यांची निवड

या वर्षीचे संमेलन हे मराठवाड्यातील लातूर जिल्ह्यातील उदगीर येथे होणार आहे.
Bharat Sasane
Bharat Sasaneesakal

उदगीर (जि.लातूर) : या वर्षात होणाऱ्या ९५ व्या अखिल भारतीय मराठी साहित्य संमेलनाच्या अध्यक्षपदी प्रसिद्ध कथाकार भारत सासणे (Bharat Sasane) यांची घोषणा करण्यात आली आहे. २०२२ या वर्षामध्ये होणाऱ्या ९५ व्या अखिल भारतीय साहित्य संमेलनाच्या (Marathi Sahitya Sammelan) नियोजनाला नव्या वर्षाच्या पहिल्याच दिवशी सुरुवात झाली. आज रविवारी (ता.दोन) लातूर (Latur) जिल्ह्यातील उदगीर (Udgir) येथील महाराष्ट्र उदयगिरी महायिद्यालयात अखिल भारतीय साहित्य महामंडळाची बैठक झाली. या बैठकीमध्ये साहित्य महामंडळाच्या सर्व सदस्याच्या उपस्थितीत साहित्यिक प्रसिद्ध कथाकार भारत सासणे यांची निवड करण्यात आल्याची व २२, २३ व २३ एप्रिलला हे साहित्य संमेलन होणार असल्याची घोषणा पत्रकार परिषदेत महामंडळाचे अध्यक्ष कौतिकराव ठाले पाटील (Kautikrao Thale Patil) यांनी केली. (Author Bharat Sasane Appointed As President Of 95 Marathi Sahitya Sammelan In Udgir Of Latur)

Bharat Sasane
जालना-खामगाव रेल्वेसाठी साडेतीन कोटींचा निधी : रावसाहेब दानवे

या बैठकीला साहित्य महामंडळाचे कार्यवाहक डॉ दादा गोरे, उपाध्यक्ष कपूर वासनिक, कोषाध्यक्ष डॉ. रामचंद्र काळुंखे, सदस्य प्रा मिलिंद जोशी, विलास मानेकर, महाराष्ट्र एज्युकेशन सोसायटीचे अध्यक्ष बसवराज पाटील नागराळकर, संस्थेचे उपाध्यक्ष तथा मसापचे शाखा अध्यक्ष श्री तिरुके, रमेश अंबरखाने, दिनेश सास्तुरकर, प्राचार्य आर.आर.तांबोळी, उपप्राचार्य प्रा.डॉ. राजकुमार मस्के यांची उपस्थिती होती.अखिल भारतीय साहित्य महामंडळाच्या वतीने २०२२ या वर्षात घेण्यात येणारे ९५ व्या अखिल भारतीय साहित्य संमेलनाच्या नियोजनाला आताच सुरू करण्यात आले आहे. या वर्षीचे संमेलन हे मराठवाड्यातील लातूर जिल्ह्यातील उदगीर येथे होणार आहे.

Bharat Sasane
उणी-दुणी काढण्यापेक्षा केंद्रातून निधी आणावा, अजित पवारांचा राणेंना सल्ला

महाराष्ट्र एज्युकेशन सोसायटीच्या महाराष्ट्र उदयागिरी महाविद्यालयाने संमेलन घेण्याची तयारी सुरू केलीय. आज उदगीरमध्ये साहित्य महामंडळाच्या पदाधिकार्‍यांची बैठक पार पडली आहे. उदगीर येथे होणाऱ्या ९५ व्या अखिल भारतीय साहित्य संमेलनाच्या अध्यक्षपदी कोणाची निवड केली जाणार यावर सध्या चर्चा सुरू होती. त्यासाठी ज्येष्ठ साहित्यिक अनिल अवचट, डॉ. रामचंद्र देखणे, प्रसिद्ध कथाकार भारत सासणे, प्रवीण दवणे, अच्युत गोडबोले यांच्या नावाची चर्चा होती. सध्या अखिल भारतीय साहित्य महामंडळाचे कार्यालय हे मराठवाड्यातल औरंगाबादेत आहे. या उदगीरच्या बैठकीत साहित्य संमेलन अध्यक्षाची निवड घोषित करण्यात आली. शिवाय साहित्य संमेलनाच्या कोरोना काळातील आयोजनाबाबत सखोल चर्चा केली गेली. हे साहित्य संमेलन २२,२३ व २४ एप्रिल रोजी घेण्यात येणार असल्याची घोषणाही यावेळी करण्यात आली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com