श्रीराम पवार यांच्या ‘अस्वस्थपर्व’चे गुरुवारी साताऱ्यात प्रकाशन l Shriram Pawar | Sakal
sakal

बोलून बातमी शोधा

श्रीराम पवार यांच्या ‘अस्वस्थपर्व’चे गुरुवारी साताऱ्यात प्रकाशन

श्रीराम पवार यांच्या ‘अस्वस्थपर्व’चे गुरुवारी साताऱ्यात प्रकाशन

कोल्हापूर: ‘सकाळ’ माध्यम समूहाचे संपादक संचालक श्रीराम पवार (Shriram Pawar)लिखित ‘अस्वस्थपर्व- वेध जागतिक घडामोडींचा’ या पुस्तकाचे प्रकाशन गुरुवारी (ता. १३) साताऱ्यात होणार आहे. ज्येष्ठ विचारवंत व सुप्रसिद्ध लेखक डॉ. दत्तप्रसाद दाभोळकर (Dr. Dattaprasad Dabholkar) यांच्या प्रमुख उपस्थितीत आणि माजी मुख्यमंत्री, आमदार पृथ्वीराज चव्हाण (Prithviraj Chavan) यांच्या अध्यक्षतेखाली येथील यशवंतराव चव्हाण इन्स्टिट्यूट ऑफ सायन्सच्या (वायसी कॉलेज) सभागृहामध्ये सायंकाळी साडेचार वाजता कोविड नियमांचे पालन करून हा कार्यक्रम होईल.

जगाच्या अनेक भागांत सध्या वंश, धर्म अशा बाबींवर आधारलेला बहुसंख्याकवाद बोकाळतो आहे. हे होत असताना अल्गोरिदम, आर्टिफिशियल इंटेलिजन्स, रोबोटिक्स, डेटा सायन्स ही वर्चस्वाच्या लढाईची हत्यारे बनत आहेत. यातून होणारे नवे ताण, नवी स्पर्धा जगाच्या अस्वस्थतेत भर टाकते आहे. या अस्वस्थ करणाऱ्या घटना-घडामोडींचा वेध श्री. पवार यांनी या पुस्तकात घेतला आहे.

हे पुस्तक ‘सकाळ’ प्रकाशनाने प्रकाशित केले असून, श्री. पवार यांच्या या आधीच्या धुमाळी, मोदीपर्व, संवादक्रांती, ड्रॅगन उभा दारी आदी पुस्तकांना वाचकांनी भरभरून प्रतिसाद दिला आहे. याच मालिकेतील हे सातवे पुस्तक आता प्रसिद्ध होत आहे.

कार्यक्रम फेसबुक लाईव्हवर

हा कार्यक्रम कोविड प्रतिबंधक नियमांच्या अधीन राहून होत असल्याने मर्यादित निमंत्रकांसाठीच आहे. मात्र, ‘सकाळ’च्या फेसबुक पेजवरून (https://www.facebook.com/sakal) हा कार्यक्रम घरबसल्या पाहता येणार आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top