आई वडिलांचा करत नव्हते सांभाळ; प्रांताधीकाऱ्यांनी दिला महत्वाचा आदेश

आई-वडिलांचा सांभाळ न करणाऱ्या पाच मुलांनी त्यांना आई-वडिलांना दरमहा प्रत्येकी दोन हजार रुपये द्यावेत, असा आदेश प्रांताधिकारी प्रसाद मते यांनी दिला आहे. नगर जिल्ह्यात राहणाऱ्या एका सधन कुटुंबातील आई-वडिलांनी मुले सांभाळ करीत नसल्याची तक्रार प्रांत कार्यालयात केली होती.

त्यांना चार मुली व एक मुलगा आहे. या तक्रारींवर सुनावणी चालू असताना त्यांच्या दोन मुलींनी प्रांताधिकारी जे आदेश देतील ते आम्हास मान्य असून, आम्ही आमच्या आई-वडिलांचा सांभाळ करू, अशी भूमिका घेतली. तर इतर तीन अपत्यांनी मात्र आई-वडिलांच्या विरोधी भूमिका घेत त्यांना आर्थिक मदत करण्यास नकार दिला.

या घटनेतील सर्व वादी, प्रतिवादींचे म्हणणे ऐकून घेतल्यानंतर चार मुली व एका मुलाने आईवडिलांनी प्रत्येकी दोन हजार रुपये देण्याचा आदेश दिला. हा निकाल मान्य नसल्यास जिल्हाधिकारी कार्यालयात अपील करण्यास तीस दिवसांची मुभा दिली आहे.