...त्यासाठी अकलेची गरज नसते; CM ठाकरेंचा विरोधकांना टोला | Sakal
sakal

बोलून बातमी शोधा

CM Uddhav Thackeray

...त्यासाठी अकलेची गरज नसते; CM ठाकरेंचा विरोधकांना टोला

मुंबई - गोडव्यासाठी तिळगुळाची वाट न पहाता लोकांसाठी काम केले तर लोक आपल्याशी गोड राहतील अशी प्रतिक्रिया मुख्यमंत्री उद्धव ठाकरे यांनी दिली आहे. मुंबई महापालिका कौतुकासाठी नाही तर कर्तव्य म्हणून काम करते. स्वत: काहीही न करता, महापालिका काय करते हा प्रश्न काहीजण नेहमी उपस्थित करतात. यावरून प्रश्न विचारणं सोपं असतं त्याला अक्कल लागत नाही असा खोचक टोला मुख्यमंत्र्यांनी विरोधकांना लगावला आहे.

हेही वाचा: ST चालकाच्या मुलाची भरारी; ZP शाळेत शिकलेला वैभव झाला 'फ्लाईंग ऑफिसर'

मुख्यमंत्री उद्धव ठाकरे यांच्या हस्ते आज महापालिकेच्या ‘व्हॉट्सअप चॅट बॉट’ सुविधेचे लोकार्पण करण्यात आले. यावेळी पार पडलेल्या कार्यक्रमादरम्यान ते बोलत होते. अजूनही कोरोनाचे संकट टळलेलं नाही. याकाळात मुंबई महापालिकेनं काम केलं आहे. याचं थेट न्यूयॉर्क आणि सर्वोच्च न्यायालयानं कौतुक केलं आहे. कौतुक करण्यासाठी आपण काम करत नाही. कर्तव्य म्हणून आपण काम करत असतो, असंही त्यांनी स्पष्ट केलं आहे.

पुढे ते म्हणाले, कौतुक किती होईल याची मला चिंता नाही. आताच्या कार्यक्रमाची किती मोठी बातमी येईल हे माहीत नाही. उद्याच्या कौतुकाचीही अपेक्षा नाही. मुंबई महापालिकेन देशातील एक नंबरची महापालिका म्हणून जनतेला ८० टक्क्यांहून अधिक सुविधा घरबसल्या दिल्या आहेत. मात्र जरा कुठं काय खुट्टं झालं तर महापालिकेवर खापर फोडलं जातं. नगरसेवक, महापौर, आयुक्त काय करतात? यावर सवाल उपस्थित होतात. हे सगळं ठीक आहे. पण यावर तुम्ही काय करता हे सांग? स्वत: काहीही न करता फक्त प्रश्न विचारले जातात. प्रश्न विचारणं सोपं असतं, त्याला काही अकलेची गरज लागत नाही, असंही मुख्यमंत्री म्हणाले.

हेही वाचा: '2-3 मुलं जन्माला घाला, हिंदुंची लोकसंख्या कमी झाल्यासं भविष्यात मोठं संकट'

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top